Álıhan Smaıylov bızneske qoıylǵan basy artyq talaptardy joıatyn zań jobasyn eki apta ishinde Úkimetke engizýdi tapsyrdy, dep habarlaıdy Egemen.kz
Úkimet otyrysynda Premer-mınıstr Álıhan Smaıylov Ulttyq ekonomıka mınıstri Álibek Qýantyrovtan bızneske qoıylǵan basy artyq talaptardy joıý úshin ne istelip jatqanyn surady.
«Zań jobasy jalpy 66 jobaǵa túzetý engizedi. Qazirgi tańda osy zańǵa engiziletin túzetýlerdi jınap jatyrmyz. Osy aptaǵa deıin bizdiń barlyq memlekettik organdar óz usynystaryn bizge jiberse, jaqyn arada bir aptanyń ishinde usynys engizemiz. Oǵan deıin biz ony «Ashyq NQA» portalyna shyǵaramyz», dedi mınıstr.
Álıhan Smaıylov bul jumysty eki aptanyń ishinde tyndyrýdy tapsyrdy.
«Osy aptanyń aıaǵyna deıin barlyq memlekettik organdar barlyq zańnamaǵa engizetin usynystaryn Ulttyq ekonomıka mınıstrligine berý kerek. Al mınıstrlik kelesi aptanyń basynan bastap, eki apta merziminde Úkimet apparatyna zań jobasyn engizýi qajet. Ony tezdetip qabyldaýymyz kerek», dedi Úkimet basshysy.
Gúlshahra SANSYZBAI
Atyraýda birneshe mekteptiń oqýshylary onlaın oqıdy
Qoǵam • Keshe
Prezıdent Qatar Ámirimen telefon arqyly sóılesti
Saıasat • Keshe
Áýejaıda shekarashylar qonaqtardy erekshe kútip aldy
Qoǵam • Keshe
Uqsas jańalyqtar
