Qarýly kúshterdiń Áýe qorǵanysy kúshterine qarasty 55078 áskerı bóliminiń áskerı qyzmetshileri kishi serjant Dáýren Jánibekov, qatardaǵy jaýyngerler Álibek Shadetov, Ilııas Nızambek, Raýan Aqkempirov jáne Naýryz Qarabekov janyp jatqan úıden eki balasy bar áıel men erli-zaıypty qart kisilerdi alyp shyqty, dep habarlaıdy Egemen.kz Qorǵanys mınıstrliginiń baspasóz qyzmetine silteme jasap.
Bul oqıǵa 20 qańtarda bolǵan. Áskerı qyzmetshilerdiń erjúrek qımyly týraly málimet búgin ǵana Jetisý oblysy Qaratal aýdanynyń tótenshe jaǵdaılar qyzmeti ókilderiniń áskerı bólim qolbasshylyǵyna kelip túsken hatynan belgili boldy. Onda olar órt kezinde sheshýshi qadam jasap, erlik kórsetken kelisimshart boıynsh áskerı qyzmetshilerge alǵys bildirgen.
Tótenshe jaǵdaı kezinde áskerıler Momyshuly kóshesindegi úıdiń janynan ótip bara jatqan. Osy sátte jeke ǵımaratta gaz ballonynyń jarylýy saldarynan órt boldy. Kishi serjant Dáýren Jánibekov, qatardaǵy jaýyngerler Raýan Aqkempirov pen Naýryz Qarabekov otqa oranǵan úıden eki jas bala men áıeldi jáne erli-zaıypty qart kisilerdi qaýipsiz jerge alyp shyǵady.
Osy ýaqytta qatardaǵy jaýyngerler Álibek Shádetov pen Ilııas Nızambek óz ómirlerin qaterge tige otyryp, ballondy syrtqa alyp shyǵyp, bolýy yqtımal jarylystyń aldyn alǵan.
Budan keıin qatardaǵy jaýynger Álibek Shádetov zardap shekkenderdi avtokólikpen ortalyq aýdandyq aýrýhanaǵa jedel jetkizdi. Qalǵan áskerı qyzmetshiler órt sóndirý brıgadasy kelgenge deıin tilsiz jaýdy aýyzdyqtap, órtti oqshaýlap úlgeredi.
– Adamdardyń qıynshylyqqa tap bolǵanyn kórip, ólim qaýpi bar ekenin túsingendikten biz basqasha áreket ete almadyq. Syn sátte qyzmet barysy men jattyǵýlarda alǵan daǵdylarymyz iske qosyldy, – deıdi qatardaǵy jaýynger Álibek Shadetov.
55078 áskerı bóliminiń áskerı qyzmetshileri órt bolǵan otbasynyń qaıǵysyna beı-jaı qaramaı, turǵyn úıdi qalpyna keltirýge qoldan kelgenshe kómek kórsetýdi uıǵaryp otyr. Bólim qolbasshylyǵy erekshe kózge túsken jaýyngerlerdi nagradalarǵa usyndy.
Qazaqstan ónerpazdary «Teatr barysyn» anyqtaıdy
Sport • Búgin, 12:08
Nurbah Rústemov qyzmetinen bosatyldy
Qoǵam • Búgin, 11:51
Kım Chen Yn taq muragerin tańdady
Álem • Búgin, 11:47
Qazaqstannyń Rýmynııa jáne Slovenııadaǵy elshileri taǵaıyndaldy
Taǵaıyndaý • Búgin, 11:45
Elordadaǵy Beısekova kóshesi erteńnen bastap jabylady
Qoǵam • Búgin, 11:33
Iýta shtaty jasóspirimderdiń áleýmettik jelige kirýine shekteý qoıdy
Álem • Búgin, 11:22
Uqsas jańalyqtar
