О́mir kúrdeli emes, kórkem!

«Rýsalka» operasy Al­maty teatrynyń repertýarynda bolmaǵanymen, Lon­donǵa saparlap barǵan ke­zinde ánshiniń daýysyna laıyq­talyp aldymen mýzykasy ja­zylǵan bolatyn. Ánshiniń armany bolǵan keıipkerdi teatr sahnasynda oınaýdyń ázirge múmkindigi joq, alaıda cheh kompozıtory Antonın Dvorjaktyń «Rýsalka» operasy boıynsha túsirilgen mýzykalyq fılm arqyly Z.Altynbaeva kópten beri kó­keıinde júrgen ıdeıasyn júzege asyryp otyr. Operanyń dı­rı­jeri Endrıý Skıt, beı­ne­fılminiń rejısseri – Ǵa­lym Asylov, bas operatory – Iýrıı Levandovskıı. Arııa Ko­rol­diktiń fılarmo­nııa or­kestri­men (Royal Philharmonic Orchestra) birigip ja­zylǵan.

Rasynda da, jeti mınýttyq kartınany tamashalaǵan kó­­rermen ǵajaıyp mýzy­ka­­­nyń áýeni men ertegi ke­ıip­­­­keri obrazyndaǵy Za­rı­­na­nyń syńǵyrlaǵan soprano da­ýysyna terbele oty­­ryp, altyn kúzdiń alqońyr ja­py­raqtarynyń sybdyrynan, jarysa kelip jaǵalaýǵa soǵylǵan teńiz tolqynynyń shýylynan estetıkalyq lázzat alady. Beınefılm ótken jyl­dyń kúzinde Qapshaǵaıda túsirilgen. «Búgingi ómirimiz­diń kúrdeli bolyp ketkeni son­sha, adamdarǵa sıqyrly, ádemi, tańǵajaıyp álem je­tispeıdi. Sondyqtan men er­tegi jelisine súıene otyryp, Dvorjaktyń «Rýsalka» ope­­rasyn, klassıkalyq mý­zykanyń álemdik shedevrin qaıta jańǵyrtýdy jón dep shesh­tim», deıdi Zarı­na Altynbaeva. Qasi­ret­pen aıaqtalatyn Ander­senniń áıgili ertegisi men Pýsh­­kın dra­masynyń oqıǵa­symen sa­lystyrǵanda, mýzy­ka­lyq fılmdi túsirgen shyǵar­ma­shylyq top bul «Rýsal­kanyń» sońyn baqytty taǵ­dyrmen túıindeýdi qup kórgen. Se­bebi belgili – kó­rermen qýanysh sezinsin. Ke­le­shekke úmiti bolsyn. О́mir báribir sulý, kór­kem.

ALMATY