«Samuryq-Qazyna» qory tobynyń biryńǵaı qaıyrymdylyq operatory – «Samruk-Kazyna Trust» qoldaýymen Jetisý óńirinde júzege asqan áleýmettik joba túlekteri qajetti qural-jabdyqqa ıe boldy.
Qural-jabdyq jıyntyqtaryn saltanatty túrde tabystaýǵa arnalǵan is-sharaǵa «Samuryq-Qazyna» AQ men onyń óńirlik enshiles kompanııalary jáne jergilikti atqarýshy organ ókilderi, joba jetekshileri men qoǵam qaıratkerleri qatysty.
«Tabysty otbasy» jobasy – Jetisý oblysy úshin áleýmettik jaǵdaıdy, turǵyndardyń ómir súrý sapasyn jaqsartýdyń bir joly. Qatysýshyny qysqa merzim ishinde beıindik baǵyt boıynsha oqytý, óz isin damytýǵa bilim men daǵdylardy berý jáne olardyń jabdyqtardy tegin alýy – tamasha múmkindik. Jobanyń túlekterin quttyqtaımyn, árqaısysyna sáttilik pen otbasylyq tabysynyń artýyn tileımin», dedi oblys ákiminiń orynbasary Rýstam Álıuly.
Oblys ákiminiń baspasóz qyzmetiniń aqparatyna súıensek, elimizdegi bes óńirge barlyǵy 300 grant qarastyrylyp, «Samruk-Kazyna Trust» qory arqyly 200 mln teńgege jýyq qarjy bólingen. Joba kópbalaly analarǵa, erekshe qajettilikteri bar balalardy tárbıelep otyrǵan otbasy múshelerine jáne az qamtylǵan otbasylarǵa, jastarǵa tikeleı tabys tabýǵa naqty múmkindik beredi. О́z isin ashqysy keletin árbir qatysýshyǵa 150 AEK somasyna jabdyq óteýsiz beriledi.
«Bes oblystyń ishinde Jetisý oblysynyń ákimdigi usynǵan tizim aıasynda áleýmettik jelidegi marketıng, tiginshilik, elektr mehanıgi, sulýlyq salony mamany, aspazdyq kásipterin bir aıda alǵashqy leginiń 24 túlegi ıgerip, «Samuryq-Qazyna» qory atynan qural-jabdyq túrindegi qaıtarymsyz grant alýǵa múmkindik ıelenip otyr. Qazir oqýdyń ekinshi leginde 36 qatysýshy bilim alyp jatyr», deıdi «Samruk-Kazyna Trust» KQ Qamqorshylyq keńesiniń múshesi Laýra Demesinova.
Bul áleýmettik joba – qarapaıym turǵyndar úshin úlken múmkindik bastaýy. «Tabysty otbasy» tabys taýyp, kásiptiń násibin kórýge, osylaısha óz isin bastap, bolashaqqa nyq qadam jasaýǵa múmkindik beredi.
«Kópbalaly anamyn, Jetisýdyń turǵynymyn. Osyndaı biregeı jobanyń bir bóligi bolǵanyma qýanyshtymyn. Men úshin «Tabysty otbasy» bul úıde tabys tabýdy bastaý múmkindigi ǵana bolyp qoımaı, janashyrlyqty sezinip, jańa dostarmen kezdestim», dep bólisti joba qatysýshysy Aıda Baımuhambetova.
Aldaǵy ýaqytta osy sekildi óz isin ashýǵa qajetti qural-jabdyqtar túrindegi grantty «Tabysty otbasy» jobasy aıasynda Ulytaý, Abaı, Aqtóbe jáne Túrkistan oblystarynyń 114 túlegine tabystalady.
Jetisý oblysy
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
