Prezıdentke áýe kompanııasynyń byltyr atqarǵan jumystarynyń negizgi nátıjeleri, sondaı-aq aldaǵy kezeńge arnalǵan damý jospary týraly baıandaldy.
Memleket basshysyna 2030 jylǵa deıin kompanııanyń áýe kemeleri parki men baǵyt jelilerin keńeıtý jóninde málimet berildi. Prezıdentke Shymkent áýejaıyndaǵy aerovokzal kesheni qurylysynyń barysy jáne avıasııalyq habty damytý sharalary týraly baıandaldy. Qasym-Jomart Toqaev SCAT áýe kompanııasynyń qyzmetine oń baǵa berip, onyń damý strategııasyn qoldady.
Memleket basshysy Shymkenttegi avıasııalyq habtyń qurylysyn aıaqtaýdyń, avıasııalyq tasymaldaý salasynyń óńirdegi básekege qabilettiligin qamtamasyz etýdiń jáne kórsetiletin qyzmetterdiń sapasyn arttyrýdyń mańyzdylyǵyna nazar aýdardy.
