Otpan taýdaǵy salbýryn

Qazaqtyń bekzat óneri ári ulttyq sporty qusbegilik pen saıatshylyqty, soǵan qatysty ónerpazdyqty halyq arasynda nasıhattaý, oǵan jastar men oqýshylardyń qyzyǵýshylyǵyn art­tyrý arqyly ańdy myltyqpen emes búrkitpen, ıtelgimen nemese ta­zy­­­men aýlaý áldeqaıda qyzyqty eke­­nin na­sıhattaý maqsatyndaǵy is-shara aýqymy jyldan-jylǵa keńeıip keledi. Uıym­dastyrýshylardyń negizgi maqsatynyń biri – Otpandaǵy salbýryndy jalpy jurtshylyq qatysa toılaıtyn halyq­tyq merekege aınaldyrý.

«Qarashańyraq» janyndaǵy ult­tyq sport alańynda ótkizilgen sharaǵa Tushybek aýyly men oblystyń túk­pirinen kelgen qusbegiler, qusbegilik pen saıat­shylyqqa qyzyǵýshylar, blo­gerler, Otpan taý mańaıyndaǵy aýyl­dardyń turǵyndary qatysty. Is-sha­rany uıymdastyrýshy J.Aıdarbek salbýrynnyń tarıhy men maqsatyna toqtaldy. Jınalǵandar qusbegilik pen salbýryn týraly aýdıolek­sııa tyńdady. Qusbegiler A.Taı­manov, E.Esjanov, О́.So­­vetov qyran qustardyń túrle­ri, olar­dyń jastaryna qaraı ataýlary, asyraýy, baptaý­y týraly jas kórer­men­derge tú­sindirse, olardyń shá­kirt­teri búrkit, ıtelgi men qar­shyǵa syn­dy qy­ran qus­tardy qol­ǵa sha­qyryp qondyrý, shyr­ǵaǵa, qoıan men kepterge túsý ma­shyq­taryn kórsetip, baby men sheberlikterin baıqady.

– Qusbegiler men osy ónerge qyzy­ǵýshylar qatary jyldan-jylǵa artyp kele jatqany qýantady. Mysaly, salbýrynǵa buryn jalǵyz qatysqan beıneýlik búrkitshi Jańabaı Kemelhanov bıylǵy is-sharaǵa inisi men balasyn ertip keldi. Bul Amal merekesi sekildi halyqtyq deńgeıde atalyp ótetin is-shara bolýy kerek, – deıdi J.Aıdarbek.

Keń dala tósinde án men jyry tó­­­­gilip, qyrany men tazysy atoı sal­­­ǵan salbýryn sońy uıymdas­ty­rý­­­­shy­­lardyń aq tilegi men qatysý­shy­­­­­larǵa Alǵyshat tapsyrýymen aıaq­­­­tal­dy. Birneshe jyldan beri tu­raq­­ty ótkizilip júr­gen Otpandaǵy sal­­­býrynǵa pandemııa­dan buryn kór­shi oblystardyń qus­begi­leri kelip qa­ty­satyn edi. Bıyl da qa­tysýshylar men qyzyǵýshylar kóp boldy. Biraq qansha jyl halyq qyzy­ǵýshylyǵymen ótse de bılik tarapynan qoldaý joq. Uıym­dastyrýshylar al­daǵy ýaqytta sal­býrynǵa bılik kóńil bólip, ulttyq is-sharany laıyqty ót­kizýge qoldaý kórsetip, atsalyssa deıdi.

Mańǵystaý oblysy