О́rt: qaýip pen saqtyq

Qys bastalǵaly, ásirese, jer úı­ler­de­gi órt qaýpi seıilmeı tur. Onyń bas­ty sebebin mamandar pesh pen elektr jylytý qurylǵylaryn paıdalaný kezinde órt qaýipsizdigi qaǵıdalaryn saqtamaý dep túsindiredi. Osy oraıda qutqarýshylar jeke sektorlardaǵy árbir úıge kirip, órt qaýipsizdigi ere­je­lerin saqtaý boıynsha aqparat be­rip, turǵyndarǵa eskertý jasap jatyr.

Máselen, jańa jyl bastalǵaly beri elordanyń bir ǵana Almaty aýda­­nynda 24 órt bolǵan. Bul ótken jyldyń osy kezeńimen salystyrǵanda 33,3 paıyzǵa artyq (2022 jyly 18 órt tirkelgen). О́rt sóndirýshiler qyzyl ja­lynnan 2 adamdy qutqaryp qalǵan, al 3 turǵyn jaraqat alǵan.

Reıdti Almaty aýdany Tótenshe jaǵ­daılar basqarmasynyń qyzmet­ker­leri jergilikti atqarýshy organdarmen birlesip uıymdastyrdy.

– Statıstıka kórsetip otyrǵandaı, jeke sektorlarda oryn alǵan órt sany artyp otyr. Sol sebepti biz tur­ǵyn­dar­dy saq bolyp, órt qaýipsizdigi erejelerin qatań saqtaýǵa shaqyryp ja­tyrmyz. Elektr jelileri men qu­ral­daryn, gaz jabdyqtaryn paıdalaný kezinde barlyǵyna selqos qa­raýǵa bolmaıdy. Ásirese jylytý quraldaryn paıdalaný kezinde oqshaýlaǵyshy zaqymdalǵan elektr symdaryn paıdalanýǵa tyıym salynady, elektr jylytý quraldaryn janǵysh zattardyń janyna ornatpaý qajet. Úıden shyqqan kezde barlyq elektr jylytý qurylǵylaryn min­det­ti túrde óshirý kerek, – dedi Almaty aýdany TJB bas mamany, azamattyq qorǵaý maıory Ernur Raıymbekov.

Osyndaı saqtyq is-sharalary jalǵa­sa beredi: jylytý maýsymy bas­­talar aldynda jáne árbir úsh aı sa­ıyn tútindikterdi kúıeden taza­laý, jaryqtary bar peshterdi paıdalanbaý, janyp jatqan peshterdi, gaz plıtasyn, kamın, qosylǵan elektr qyzdyrǵysh jáne gaz aspaptaryn qa­raý­syz jáne balalardy eresektersiz ózderin qaldyrmaý qajet. Sondaı-aq elektr jelisiniń artyq júktelýine ákeletin birneshe qýatty elektr tu­ty­ný­­shylaryn bir mezgilde qosýǵa bol­maıdy, úı, páterlerde gaz ıisi sezilgen jaǵdaıda elektr jaryǵyn qosýǵa, sirińke jaǵýǵa, temeki shegýge, ashyq otty paıdalanýǵa jol bermeý qajet.

«О́rt nemese tútin shyqqan jaǵ­daı­da órt sóndirý qyzmetine naqty mekenjaıyn kórsete otyryp, «101» nemese «112» nómirlerine dereý qońyraý shalý kerek», deıdi E.Raıymbekov.