Almaty ákimi Erbolat Dosaev «Sıfrlyq Almaty: jańa shyndyqtaǵy sıfrlyq seriktestik» forýmynyń ashylýynda qalada memlekettik qyzmetterdiń 96 paıyzy sıfrlyq formatta kórsetiletinin jáne bul kórsetkishtiń únemi ósip kele jatqanyn aıtty, dep habarlaıdy Egemen.kz.
«Qabyldanǵan qalany damytý baǵdarlamasyndaǵy negizgi jeti basymdyqtyń biri – «Almaty-Smart sıtı» jobasyn qurý. Bıylǵy jyldyń kúzine qaraı Sıngapýr, Shanhaı sııaqty megapolısterge uqsas qalanyń «sıfrlyq egizin» qurýdy qolǵa alý josparlandy», dedi qala ákimi.
Erbolat Dosaev qala menedjmentin jetildiretin basqa da júıeli platformalyq sheshimder Almatyny odan ári damytý úshin mańyzdy jobalar ekenin qosa aıtty.
«Bul qalanyń Biryńǵaı derekter qoımasy, Biryńǵaı geoanalıtıka platformasy. Biryńǵaı beınebaqylaý júıesi bıyl Almaty qalasynyń 80 paıyzyn qamtıdy. Bul eń aldymen jaıly qalalyq ortany qurý jáne qala turǵyndary men qonaqtarynyń qaýipsizdigin qamtamasyz etýge arnalǵan joba», dep qosty ákim.
Buǵan deıin ákimdik «sıfrlyq egizdi» damytý qalalyq kóshi-qon aǵynyn qadaǵalaýǵa, baǵalardy baqylaýǵa jáne t.b. kómektesedi degen edi.
О́skemende KamAZ tirkemesi jaıaý júrginshini qaǵyp ketti
Aımaqtar • Keshe
Elordadaǵy túngi klýbtardyń birinde mefedron satylǵan
Qoǵam • Keshe
Bratıslavada qazaqtyń kıiz úıi tigildi
Álem • Keshe
Bokstan ÁCh: Karına Ibragımova kúmis júldeger atandy
Boks • Keshe
Uqsas jańalyqtar
