Baǵdarlamada 29 paneldik sessııa bar. Onda halyqaralyq jáne Qazaqstandyq IT-qoǵamdastyqtyń atynan 150-den astam spıker sóz sóıleıdi. 1 aqpandaǵy jaǵdaı boıynsha forýmǵa 17 myń adam tirkeldi.
Birinshi kúni pikirtalasqa qatysýshylar Qazaqstandaǵy sıfrlyq maınıng ındýstrııasyn, memlekettik basqarýdyń sıfrlyq transformasııasyn, krıptobırjalardy damytý perspektıvalaryn, bilim berý salasyndaǵy kıberqaýipsizdik pen tehnologııa máselelerin talqylaıdy. Forýmnyń ekinshi kúni plenarlyq otyrystan bastalady, oǵan EAEO elderiniń úkimet basshylary qatysady. Al ekinshi kúni paneldik sessııalar barysynda forýmǵa qatysýshylar tehnoparkterdiń damýyn, korporatıvtik ınnovasııalardyń trendterin, sıfrlyq naryqtardaǵy derekterdi retteý máselelerin, kreatıvti ındýstrııalardy jáne qoǵamdyq ıgilik úshin sıfrlandyrýdy talqylaıdy.
Sondaı-aq forým aıasynda Indýstrııa 4.0 kórmesi, Astana Hub Battle, tehnologııalyq marafon, startaptar kórmesi jáne balalar robot-tehnıkasy boıynsha halyqaralyq chempıonat ótedi.
Sonymen qatar forým aıasynda Digital Almaty Awards IT-syılyǵy ótedi. Tech Garden Awards kásiporyndaryn sıfrlyq damytý konkýrsynyń qorytyndysy shyǵarylady.
