Senator Bekbolat Orynbekov elimizdiń Premer-mınıstri men Bas prokýroryna joldaǵan depýtattyq saýalynda bankrotqa ushyraǵan «Qarataý» AQ kásipornynyń qyzmetkerleri zańǵa sáıkes tıisti tólemderin 20 jyldan astam ýaqyt boıy ala almaı jatqany týraly aıtty, dep habarlaıdy Egemen.kz Parlament baspasóz qyzmetine silteme jasap.
Depýtattyń aıtýynsha, atalǵan kásiporyn Jambyl oblystyq sotynyń sheshimimen 20 jyl buryn bankrot dep tanylǵan. Alaıda, taý-ken óndirisiniń burynǵy qyzmetkerlerin tıisti tólemdermen qamtamasyz etý máselesi áli de sheshilmegen.
Bekbolat Orynbekov atap ótkendeı, bul másele salalyq memlekettik organdarda, onyń ishinde arnaıy qurylǵan úkimettik komıssııa otyrysynda jáne sot organdarynda birneshe ret qaralǵan.
«Júrgizilgen ındeksteý esepteri árbir kredıtorǵa 3 443 teńgeden bastap 58 171 teńgege deıin qurady. Biraq regresshiler buǵan qarsy. Kelispeýshiliktiń negizdemesi retinde kredıtorlar kórsetilgen kezeńde eń tómengi jalaqy mólsherimen qosa, azyq-túlik, dári-dármek jáne basqa da kúndelikti tutynatyn taýar baǵasynyń ósýi degen dálelder keltiredi. Osyǵan baılanysty atalǵan jaǵdaıdy jan-jaqty talqylap, máseleniń zańdy sheshimin tabýǵa yqpal etýlerińizdi suraımyn», dedi depýtat.
Gúlshahra SANSYZBAEVA
О́skemende KamAZ tirkemesi jaıaý júrginshini qaǵyp ketti
Aımaqtar • Keshe
Elordadaǵy túngi klýbtardyń birinde mefedron satylǵan
Qoǵam • Keshe
Bratıslavada qazaqtyń kıiz úıi tigildi
Álem • Keshe
Bokstan ÁCh: Karına Ibragımova kúmis júldeger atandy
Boks • Keshe
Uqsas jańalyqtar
