Taǵaıyndaý • 03 Aqpan, 2023

Mańǵystaý oblysy ákiminiń eki orynbasary taǵaıyndaldy

114 ret kórsetildi

Búgin, 3 aqpanda óńir basshysy Nurlan Noǵaev oblys aktıvine eki birdeı jańa orynbasaryn tanystyrdy. Biri - Qanat Quljanov, ekinshisi - Rýslan Bektemir, dep habarlaıdy Egemen.kz oblys ákiminiń baspasóz qyzmetine silteme jasap. 

Qanat Quljanov Qazaq quqyqtaný jáne halyqaralyq qatynastar ınstıtýtyn «Quqyqtaný» mamandyǵy boıynsha bitirgen. Eńbek jolyn 1996 jyly «О́zenmunaıgaz» AQ tehnologııalyq kólik basqarmasynyń slesari qyzmetinen bastaǵan. Uzaq jyldar prokýratýra salasynda túrli qyzmetterdi atqarǵan.

Al, Rýslan Bektemir Q.Jubanova atyndaǵy Aqtóbe memlekettik ýnıversıtetin, BQ ınjenerlik-gýmanıtarlyq ýnıversıtetin, Reseı Federasııasy Prezıdentiniń janyndaǵy Reseı halyq sharýashylyǵy jáne Memlekettik qyzmet akademııasyn bitirgen. «Qarjy», «Munaı-gaz isi» mamandyqtary boıynsha bakalavrıat bitirgen, memlekettik jáne mýnısıpaldyq basqarý magıstri.

«Memlekettik aýdıtor» jáne «joǵary sanatty memlekettik aýdıtor» sertıfıkattarynyń ıesi. Rýslan Bektemirdiń memlekettik qyzmette jáne jeke sektorda 24 jyldyq eńbek ótili bar. 2021 jyldyń mamyr aıynan bastap qazirgi ýaqytqa deıin «Mańǵystaý atom-energetıkalyq kombınaty» JShS Bas dırektorynyń orynbasary bolyp eńbek etti.

Nurlan Noǵaev jańa orynbasarlaryna óńirdiń áleýmettik-ekonomıkalyq damýyna qatysty birqatar naqty tapsyrmalar berdi.

Uqsas jańalyqtar