Qazaqstan-Chehııa dıplomatııalyq qatynasyna arnalǵan dóńgelek ústel ótti

Is-sharaǵa Cheh Senat depýtattary, Syrtqy ister mınıstrligi, Dıplomatııalyq akademııa ókilderiniń, ǵylymı jáne saraptamalyq toptardyń, buqaralyq aqparat quraldarynyń ókilderi qatysty.

Qazaqstan men Chehııadan kelgen sarapshylar men dıplomattar, ǵalymdar men saıasattanýshylar dıplomatııalyq qatynastardyń otyz jyldyǵyn qorytyndylap, elder aldynda turǵan jahandyq syn-qaterler men odan ári damý maqsattaryn talqylady.

Qazaqstandyq dıplomattar óz sózderinde yntymaqtastyqtyń úsh onjyldyǵynda qarym-qatynastar qarqyndy damyp, tyǵyz jáne jemisti ózara tıimdi seriktestikke aınalǵanyn qanaǵattanýshylyqpen atap ótti.

«Qazaqstan-Cheh qatynastary memleketaralyq ózara is-qımyldyń sapaly jańa deńgeıine shyǵady», dedi Halyqaralyq qatynastar ınstıtýtynyń dırektory Petr Kratochvıl.

«Chehııa men Qazaqstan yntymaqtastyǵynyń basym baǵyttary retinde eń aldymen energetıka, mashına jasaý, paıdaly qazbalardy óndirý, densaýlyq saqtaý jáne aýyl sharýashylyǵy salalaryn ataýǵa bolady. Cheh tarapy qazaqstandyq óńirlermen yntymaqtastyqty damytýǵa da úlken kóńil bóledi», dedi Cheh Saýda palatasynyń bas dırektory Mılan Klechka.

Is-shara barysynda Parlament Senatynyń depýtaty Ondreı Bohach, Senattyń syrtqy ister bóliminiń meńgerýshisi Helena Dolejalova, professor Iırjı Shıma, «Praga bıznes klýbynyń» vıse-prezıdenti, ekonomıka ǵylymdarynyń doktory Marıana Drahotska, ChR Mádenıet mınıstrliginiń Halyqaralyq qatynastar departamentiniń dırektory Helena Provaznıkova, Ulttyq kitaphananyń bas dırektory Martın Kosanda, «Praga jańalyqtary» cheh basylymynyń dırektory Alesh Flıtcher, «Cheh jańalyqtary» bas redaktory Svetozar Plesnık, taldaý ortalyqtarynyń sarapshylary jáne jýrnalıster baıandamalar jasady.