Aqmola oblysynda 10 kúnde 510 kólik zańdastyryldy

«О́zderińizge belgili, bıylǵy jyldyń 23 qańtarynan bastap 2022 jyldyń 1 qyrkúıegine deıin Qazaqstanǵa ákelingen sheteldik avtokólikterdi zańdastyrý bastaldy. Zańdastyrýdyń birinshi kúninde biz biraz qıyndyqtarǵa tap boldyq. Tehnıkalyq sebepterge baılanysty ótinimderden bas tartýlar kóp boldy, mysaly, ótinish bergen kezde avtokóliktiń VIN kody kırıllısamen engizildi, ol latynsha jazylýy kerek edi», dedi spıker. 

Osyndaı tehnıkalyq aqaýlarǵa qaramastan oblysta 10 kúnde 510 kólik zańdastyryldy, onyń 50-i Armenııa Respýblıkasynan, 457-si Reseı Federasııasynan, ekeýi Grýzııadan, bireýi Mońǵolııadan ákelingen.

«Árıne, kólikti tekserý biraz ýaqytty talap etedi, keıbir azamattar tarapynan narazylyq týyndady. Biraq bastysy - sapa. Jaǵdaıdy elestetip kórińiz: biz kólikti zańdastyramyz, al biraz ýaqyttan keıin ıesi ony Reseı Federasııasyna aparady, al bul kólik sol jerde izdeýde bolǵanyna baılanysty tárkilenedi, bul jerde qylmystyq kólikti zańdastyrýǵa memleket mindetti túrde kináli bolady. Sondyqtan qazir bizdiń mindetimiz izdeýde bolýy múmkin nemese qandaı da bir shekteýleri bar kólikterdi shet memleketke tirkeýge jol bermeý», dep túsindirdi A.Býqanov.

Onyń aıtýynsha, birinshiden qujattar skanerden ótedi, qujattar pysyqtalady, keıin Qazaqstan Respýblıkasy Ishki ister mınıstrliginiń Ákimshilik polısııa komıtetine túzetý jáne málimetter bazasyna júkteý úshin jiberiledi. Ári qaraı, kólik ıeleri kelesi kúni ekinshi ótinish berip, avtokólikti sátti tirkeıdi. Máselen, keshe Reseı Federasııasynan ákelingen 50, Armenııadan ákelingen 11 avtokólik zańdastyryldy.