IQ519 «Aqtóbe-Baký» baǵyty boıynsha reısti oryndaıtyn QAZAQ AIR áýekompanııasynyń ushaǵy Atyraý qalasynyń áýejaıyna shuǵyl qondy. Bortta 37 jolaýshysy bar áýe kemesi 5 aqpanda Astana ýaqyty boıynsha saǵat 19:21-de (Atyraý ýaqyty boıynsha 18:21-de) qonǵan.
Ushaqta shuǵyl medısınalyq kómekke muqtaj jolaýshy bolǵan.
Ekıpaj dárigerge deıingi alǵashqy medısınalyq kómek kórsetip, jaqyn mańdaǵy áýejaıǵa ushaqty qondyrý týraly sheshimge kelgen. Áýejaıǵa qonǵannan keıin jolaýshyny jedel járdem kóligi alyp ketip, bilikti medısınalyq kómek kórsetý úshin aýrýhanaǵa jatqyzdy.
Aýrýhanaǵa jatqyzylǵan áıelmen birge bortta ushqan jolaýshynyń aıtýynsha, medısınalyq kómek ýaqtyly kórsetilgen jáne qazirgi ýaqytta onyń ómirine esh qaýip joq.
