Iá, NIS álemdi baǵyndyrýdy kózdegen jastar úshin naǵyz áleýmettik lıftke ulasyp, úlken múmkindikter mekenine aınaldy. Ony qazaq balalarynyń talabyna tańdaı qaqqan árbir shetel azamaty moıyndaıdy. Máselen, Hochschule Rhein-Waal stýdenti Amına Baqtııarova Shyǵys Qazaqstan oblysyndaǵy Qasym Qaısenov atyndaǵy qarapaıym aýyldyq mektepten qanat qaqqan bilim ıesi. Búginde nemis tilin jetik meńgerip, órisin keńeıtip jatyr.
– Bir shet tilin meńgerýdiń azdyq etetinin túsinip, nemis tiline qyzyǵa bastadym, 12-synypta IELTS emtıhanynan 8.0 ball jınap, qatarynan birneshe ýnıversıtetke, sonyń ishinde Ekonomıka joǵary mektebine grantqa shaqyrtý aldym. Men Germanııadaǵy Reın-Vaal qoldanbaly ǵylymdar ýnıversıtetin tańdadym. Ol Soltústik Reın-Vestfalııadaǵy Kleve qalasynda ornalasqan. Qazirgi ýaqytta bıoınjenerııa salasynda oqımyn. Qazaqstandyq ǵylymda, sonyń ishinde farmasevtıkada ózimniń qoltańbamdy qaldyrýdy armandaımyn. Bos ýaqytymda shyǵarmashylyqpen aınalysyp, aǵylshyn tilinde óleńder jazamyn, eki kitap shyǵaryp ta úlgerdim, – deıdi A.Baqtııarova.
Onyń aıtýynsha, aýyldaǵy mektepte oqyp júrgen kezinde shetelde bilim alyp, birneshe tildi jetik meńgeremin degen oı múlde bolmaǵan. NIS asqaq armanyna baspaldaq boldy. Zııatkerlik mektepke túskennen keıin ózine degen senimi artyp, «Otan aldyndaǵy jaýapkershilik», «akademııalyq adaldyq», «qoǵamǵa qyzmet etý» uǵymyn boıyna sińiredi.
Moıyndaý kerek, Nazarbaev Zııatkerlik mektepteri óz oqýshylaryna biregeı úmit pen múmkindik berdi. Kezdesýge qatysýshylar Germanııadaǵy bıohımııa, sıfrlyq tehnologııa, mashına jasaý, ınjenerııa, logıstıka jáne ekologııa salalarynda mamandandyrylǵan úzdik ýnıversıtetterde bilim alýda. Sonyń biri – Beıbarys Esengeldın. Ol eki jyl buryn Shymkenttegi fızıka-matematıka baǵytyndaǵy NIS-ti tamamdaǵan. Qazir Szent Istvan University-de oqıdy. Joǵary oqý ornynda Beıbarystyń jaratylystaný-matematıkalyq baǵyttaǵy akademııalyq daıyndyǵy ǵana emes, NIS-tiń jan-jaqty bilimi men mańyzdy adamı qabiletterge baýlıtyny tańǵaldyrdy.
Taldyqorǵandaǵy Zııatkerlik mekteptiń túlegi, búginde Technische Hochschule Würzburg-Schweinfurt stýdenti Nazıra О́mirbekovaǵa ata-anasy osy jıynnan qalmaýǵa keńes bergen. Al Almatydaǵy fızıka-matematıka baǵytyndaǵy NIS túlekteri Elıkaı Atabaeva Mıýnhen tehnıkalyq ýnıversıtetinde, Ádııa Bekdáýletova Shvaınfýrt qoldanbaly ǵylymdar ýnıversıtetinde, Madına Qaraqulova Mıýnhendegi Lıýdvıg jáne Maksımılıan ýnıversıtetinde oqıdy. Olar da osy jıyndy asyǵa kútkenin jasyrmady.
Basqosý barysynda Krıstına Mýlıar Pavlodardaǵy NIS túlekteriniń alǵashqy legin tanystyrdy. Búginde ol Gambýrgte jumys isteıdi. Mekteptegi akademııalyq daıyndyǵynyń nátıjesinde ýnıversıtettegi zamandastarynan erekshelengenin moıyndady. Petropavldaǵy NIS-tiń ókili Angelına Bender Technische Universität Munchen-de sıfrlyq tehnologııalar salasyn meńgergen maman. Búginde ol Germanııadaǵy eń iri saqtandyrý kompanııalarynyń birinde jumys isteıdi jáne súıikti mektebinen múmkindikter men úlken qoldaý alǵanyn jasyrmaıdy. Oraldaǵy NIS túlegi Danel Begalıev Brandenbýrg qalasynan kelgen. Ol Kotbýs-Zenftenberg tehnıkalyq ýnıversıtetinde qorshaǵan ortany basqarý mamandyǵy boıynsha oqıdy. Al Álıhan Nurdáýlet elordadaǵy fızıka-matematıka zııatkerlik mektebin bitirgen. Qazir Karlsruher Institut fur Technologie-de mashına jasaý mamandyǵynda bilim alýda.
Abdýllakım Zamırbekýýlý kezdesýdiń kútpegen ári erekshe qonaǵyna aınaldy. Ol – bolashaq data-analıtık, The University of Messina-da bilim alýda. Bishkek halyqaralyq mektebiniń túlegi Abdýllakım Nazarbaev Zııatkerlik mektepteriniń túlekterine tán qasıetterdiń arqasynda tabysqa jetýdiń jolyn túsiný úshin Italııadan Frankfýrtqa arnaıy at basyn burǵan.
Kezdesýdiń shyraıyn keltirgen Eýropanyń ozyq ýnıversıtetteriniń úzdik stýdentteri Zııatkerlik mekteptiń túlekteri. Olar NIS baýyrlastyǵyn maqtan tutady. Qıyn ýaqytta bir-birine qoldaý kórsetip, jeke oqıǵalarymen shabyttandyrýǵa árqashan daıyn. «Zııatkerlik mektepter túlekteriniń basty artyqshylyǵy – akademııalyq jetistikter emes, adamı qasıetter», deıdi A.Zamırbekýýlý.
Germanııanyń ár jerinde turyp, bilim alyp jatqan kezdesý qatysýshylary alǵash ret Frankfýrttegi Qazaqstan Respýblıkasynyń Bas konsýldyǵynda jınalyp otyr. Dıplomattar tarapynan jasalǵan jaıly ári otbasylyq atmosfera, shynaıy dıalog pen dámdi dastarqan úılerinen jyraqta júrgen balalardyń kóńilinen shyqty.
– Búginde Germanııada bilim alyp jatqan árbir qazaqstandyq stýdent – óz eliniń ókiletti ókili, olar Abaı, Ahmet Baıtursynuly, Álıhan Bókeıhan, Mirjaqyp Dýlatuly jáne qazaqtyń basqa da birtýar perzentteriniń rýhanı murasyn álemge tanytýda, – dep atap ótti Frankfýrt qalasyndaǵy Bas konsýl Taýboldy Úmbetbaev.
Jıyn sońynda «Nazarbaev Zııatkerlik mektepteri» derbes bilim berý uıymynyń basqarma tóraǵasy Kúlásh Shámshıdınova árbir túlek elge qyzmet etý kerektigin aıtty. «Germanııadaǵy kezdesý jeltoqsan-qańtar aılarynda NIS túlekteriniń týǵan jerinde basyn qosqan birinshi «Samgau» forýmynyń zańdy jalǵasy. Zııatkerlik mekteptiń árbir oqýshysy, muǵalimi, ata-anasy bizdiń túlekterimizdiń Qazaqstandy álemge laıyqty tanytyp, «Alumni NIS» qaǵıdalaryna aınalǵan «Otandy súıý», «álemdi ózgertý», «naǵyz tulǵa» bolýdy nasıhattaıtynyn maqtan tutady», dedi K.Shámshıdınova.
Keleli kezdesý qorytyndysynda túlekter estelik sýretke túsip, tarqady.
