«Erekshe teatrdyń» elordadaǵy premerasy

О́nerlerimen qalyń kórermendi tánti etken erekshe teatrdyń erek­she akterleri kópshiliktiń yqy­lasyna bólendi. Spektakl ym-ıshara tilinde oınaldy. Bul qo­ıy­lymnyń biregeıligi ekeni anyq.

О́z sózinde Palata spıkeri «Erek­she teatr» jobasynyń ınklıýzıvti qoǵam qurý jolyn­daǵy mańyzdylyǵyna toqtal­dy. Sondaı-aq Senattyń osy ba­ǵyt­taǵy zań shyǵarý jumystarynyń nátıjelerine nazar aýdardy.

«Erekshe qajettiligi bar aza­mattardy qoldaý, kedergisiz, ın­klıýzıvti orta qalyptastyrý – mem­leketimizdiń jáne qoǵamnyń aldynda turǵan mańyzdy mindet­terdiń biri. Prezıdentimiz Qasym-Jomart Toqaev bul máse­lege árdaıym basa mán berip, únemi nazarda ustap keledi. Byltyr elimizde «Múgedektigi bar adamdardyń ómir súrý sapasyn jaqsartý týraly» zań qabyldandy. Aldaǵy ýaqytta qajet bolsa, taǵy da zańnamalyq jumystardy qolǵa alýǵa daıynbyz. «Erekshe teatr» jáne «Sensitive» bı teatry sııaqty jobalar múgedektigi bar azamattardyń, ásirese balalardyń boıyndaǵy shyǵarmashylyq qabi­letterin damytýǵa, olardyń ortaǵa beıimdelip, ómirden óz oryndaryn tabýyna úlken múmkindik beretini sózsiz. Sondyqtan mundaı bas­tamalardy qoldaýdyń mańyzy zor», dedi Máýlen Áshimbaev.

Senat tóraǵasy qoıylym jo­ǵary deńgeıde bolǵanyn jáne akterler óz rólderin sheber somdaǵanyn da atap ótti. Sondaı-aq ol elordalyq kórermenderge keremet kóńil kúı syılaǵan óner ujymyna, «Sensitive» bı an­sambline, onyń kórkemdik jetek­shisi Olga Rostovshıkovaǵa jáne daryndy balalarǵa únemi qoldaý kórsetip kele jatqan Quralaı Tús­pekova bastaǵan Ulttyq Delfıı komıtetine alǵys bildirdi.

Sonymen qatar Máýlen Áshim­baev Petropavl qalasynda teatr ujymymen alǵash kezdesken sátte alǵan áserimen bólisti. Sol kez­desýden keıin jas ónerpazdardy elordaǵa shaqyrǵanyn da jetkizdi. Palata spıkeri óner ujymynyń negizi qalanǵanyna 5 jylǵa jýyq ýaqyt ótkenin, osy aralyqta joba naǵyz teatr retinde qalyptasyp, álemniń birqatar elinde ótken kóptegen halyqaralyq konkýrsta top jarǵanyn atap ótti.

Uıymdastyrýshylardyń aı­­týyn­sha, teatr qurý ıdeıasy – Ult­tyq Delfıı oıyndary aıasyndaǵy Paradelfıı atalymynyń laıyqty jalǵasy. Bul bastamanyń basty maqsaty – erekshe qajettiligi bar shyǵarmashyl jastarǵa júıeli túrde qoldaý kórsetý. Sonyń nátıjesinde 2018 jyly Jastar jyly qarsańynda Ulttyq Delfıı komıteti «Erekshe teatr» jobasyn qolǵa alǵan. Múgedektigi bar balalar men jastarǵa teatr ónerin úıretýdiń tájirıbelik jáne ádistemelik negizin qalyptastyrý – osy jobanyń mańyzdy mindeti.

Qazirgi tańda teatr Petropavl qalasyndaǵy estý qabileti tómen balalarǵa arnalǵan mektep-ınternatta ornalasqan. Ol jerde múgedektigi bar 25 akter jumys isteıdi. Olardyń basym bóli­gi – paradelfıı atalymy boıyn­sha túrli baıqaýda top jar­ǵan jastar. Fınaldyq synda óner kórsetken taǵy 300-den astam jas azamat Delfıı óner mektebinde óz shyǵarma­shy­lyq­taryn shyńdap júr. Sondaı-aq olar Ulttyq Delfıı qazylar alqasynyń múshelerine tálimger retinde de qoldaý kórsetedi.