Áleýmettik jelide er adamnyń shaqalaqty orap, kóterip bara jatqan beınejazbasy tez taralyp ketti. Buǵan deıin sábıdiń qıraǵan úıindiniń astynan tabylǵany týraly jazǵan bolatynbyz.
Sábı jer silkinisi kezinde dúnıege kelip, kindigi kesilmegen kúıde tabylǵan. Birden aýrýhanaǵa jetkizilip, aman qalǵan. Al onyń otbasy apat saldarynan túgel qaza tapqan.
Nárestege Aıa degen at qoıylǵan. Ol arab tilinen aýdarǵanda tańǵajaıyp degen maǵynany bildiredi. Aıa qazir aýrýhanada.
«Ony aýrýhanaǵa alyp kelgende jaǵdaıy óte nashar boldy. Áreń tynys alyp jatty. Biraq qazir jaǵdaıy jaqsy», deıdi pedıatrlar.
Áleýmettik jelilerdegi myńdaǵan adamdar ony qalaı asyrap alýǵa bolatyndyǵy týraly surap hat joldaǵan. Aýrýhana menedjeri de álemniń túkpir-túkpirinen Aıany asyrap alǵysy keletin adamdardyń habarlasqanyn aıtqan.
Biraq dárigerler onyń týystary bar bolǵandyqtan, asyrap alýǵa ruqsat etilmeıtinin aıtty.
