Kezdesýge Astana qalasy bilim basqarmasynyń basshysy Qasymhan Senǵazyev, qalalyq bala quqyqtary jónindegi ýákil Asıma Bımendına, memlekettik organdardyń, qoǵamdyq birlestikterdiń ókilderi, mektep dırektorlary men pedagogteri, psıhologtar, ata-analar qatysty.
Qazirgi ýaqytta ózekti máselelerdiń biri – mektep pen otbasynyń ózara qarym-qatynasy. Ol muǵalimder men ata-analardyń ózara qarym-qatynasyna baılanysty.
«Otbasyndaǵy tárbıe balanyń ómir saltyna áser etedi. Januıadaǵy kúndelikti qarym-qatynas bala tárbıesinde óz izin qaldyrady. Otbasylyq problemalar – bul qalamyz ben elimizde ǵana emes, búkil álemde ózekti bolyp otyr. Bala men ata-ana arasyndaǵy qarym-qatynasty zertteý qashanda mańyzdy. Qazir kóptegen ata-ana basqarmanyń nemese mınıstrliktiń málimetterine qaraǵanda ınternettegi derekkózderge, jattyqtyrýshylarǵa, Telegram arnalaryna kóbirek senedi. Mektep psıhologtarynyń ýaqyty bárine birdeı jetpeıtinin atap ótkim keledi. Sebebi olar oqýshylarmen ǵana emes, ata-analarmen de, muǵalimdermen de jumys isteıdi. Mektepte psıholog mamandarynyń sanyn arttyrý máselesin qaıta qaraý mańyzdy. О́ıtkeni olardyń jumysy burynǵydan da mańyzdy», dedi basqarma basshysy.
О́z kezeginde Asıma Bımendına ata-analarǵa bala tárbıesi birinshi orynda turýy kerek ekenin atap ótti.
«Búgingi is-shara óskeleń urpaqty tárbıeleýdiń ózekti máselelerin talqylaýǵa baǵyttalǵan. 2022 jyldyń jeltoqsanynda elordanyń 40 mektebinde ata-analar arasynda saýalnama júrgizdik. Onda 3 suraq qoıdyq: bala tárbıesindegi qıyndyqtar jáne olardy qalaı jeńýge bolady, sondaı-aq qandaı kómek kórsete alamyz. 21 myń turǵyn osy úsh saýalǵa jaýap berdi. Eger ata-ana bul máselede saýatty bolsa, onda tárbıeli jáne deni saý bala kóp bolady», dep atap ótti elordanyń Bala quqyqtary jónindegi ýákil.
Otyrys barysynda psıhologtar, otbasylyq tárbıe ortalyǵynyń, qoǵamdyq qorlardyń ókilderi sóz sóıledi.
Dóńgelek ústelge qatysýshylardyń aıtýynsha, otbasy men mekteptiń ózara qarym-qatynasy pedagogter men ata-analardy oqý-tárbıe prosesine, sabaqtan tys bos ýaqytyn paıdaly ótkizýge, balalar men ustazdar arasyndaǵy yntymaqtastyqqa baǵyttalǵan. Kez-kelgen jumys saraptaýdan bastalady. Bul oqýshylardyń bilim deńgeıin anyqtaýǵa, ata-analarmen ózara baılanys ornatýǵa kómektesedi.
