Túngi ýaqytta iske kirisken er adam, uzaq ýaqyt turǵyn úılerdiń aýlalarynda qozǵalyssyz turǵan kólikterdi qadaǵalaǵan.
Nátıjesinde, ol Mersedes Benz avtokóliginen tıtan dıskisi bar shınalardy urlap, 150 myń teńge shyǵyn keltirdi. Keıin, BMW kóliginen de osyndaı bólshekterdi alyp ketken.
Er adam urlanǵan zattardy metal qabyldaý pýnktine jáne shına montajdaý ornyna tapsyryp úlgergen.
Jedel izdestirý is-sharalary kezinde 30 jastaǵy elorda turǵyny anyqtaldy.
Qazir ol 10-nan asa kólikke urlyqqa tústi degen kúdikke ilindi.
О́z kinásin moıyndaǵan qylmyskerden zattaı dáleldemeler tárkilendi.
Oǵan qatysty QR QK 188-baby «Urlyq» boıynsha sotqa deıingi tergeý júrgizilip jatyr.
