Túrkııa prezıdenti Rejep Taıyp Erdoǵan eldegi tótenshe jaǵdaı kezinde tártip buzǵandar qatań túrde jazalanatynyn eskertken. О́kinishke qaraı memleket basshysynyń sózine qulaq aspaı, eldegi jaǵdaıdy paıdalanyp, ońaı oljaǵa kenelgisi keletinder de tabylyp jatyr.
Naqtyraq aıtqanda, Izraıldiń United Hatzalah izdestirý-qutqarý toby «qaýipsizdikke aıtarlyqtaı qater» tóngendikten, alty kúnnen keıin Túrkııadan ketip qaldy.
United Hatzalah basshysy Elı Pollak pen operasııa jónindegi vıse-prezıdenti Dov Maızel ızraıldik delegasııaǵa naqty jáne tikeleı qaýip týraly aqparat alǵandaryn jáne qyzmetkerlerdiń qaýipsizdigin birinshi orynǵa qoıý kerek ekenin aıtty.
«Biz óz tobymyzdy Sırııa shekarasyna jaqyn Túrkııa aımaǵyna jibergen kezde belgili bir táýekel deńgeıi bar ekenin bildik, biraq biz adam ómirin qutqarý mıssııasy úshin qaýipti azaıtýǵa qajetti qadamdar jasadyq», dedi Maızel.
Túrkııanyń Ádilet mınıstrligi habarlaǵandaı, tabıǵı apattan keıin tonaýshylar kóbeıip ketken. Buzaqylar dúkenderdi tonap, qurban bolǵandaryń baǵaly zattaryn urlaı bastaǵan. Tipti, kóshelerde túrli toptar arasynda qaqtyǵystar bastalyp, jer silkinisi bolǵan aımaqtarda oq atylǵan.
Sonymen qatar, Avstrııa qarýly kúshteriniń ókilderi de Túrkııadaǵy jer silkinisi aımaǵynan qaýipsizdiktiń joqtyǵyna jáne qarýly tonaýshylar tobynyń jáne merzimdi atystardyń saldarynan áskerıler men qutqarýshylardyń ómirine qaýip tóngendikten ketip jatqandaryn málimdedi.
Germanııadan jetken kómek uıymy da zilzaladan zardap shekken Túrkııada qaýipsizdikke alańdaýshylyq pen adamdar arasynda qaqtyǵystar, atys bolǵany týraly habarlardy alǵa tartyp, qutqarý jumystaryn toqtatqan.
Nemis Halyqaralyq izdeý jáne qutqarý uıymy (ISAR) men Germanııa Federal tehnıkalyq kómek agenttigi (THW) Túrik azamattyq qorǵanys agenttigi AFAD jaǵdaıdy qaýipsiz dep tanyǵan boıda jumysyn qaıta bastaıtyndaryn aıtty. ISAR operasııalyq menedjeri Stıven Baıer apattan keıin kún ótken saıyn qaýipsizdik jaǵdaıy nasharlap bara jatqanyn jasyrmady.
