Jastar arasynda júrgizilgen saýalnama kásipkerlik qyzmette jastardyń qandaı tájirıbe alǵanyn kórsetti:
- tájirıbesi sátti de sátsiz bolǵandar – 5,6%;
- tájirıbesi sátti bolǵandar – 4,9%;
- qazir kásipkerlikpen aınalysatyndar – 4,4%;
- tájirıbesi sátsiz bolǵandar – 4,1%.
Al qalǵan 79,2 paıyz respondent kásipkerlik salasynda esh tájirıbesi joq ekenin aıtqan.
Qazir kásipkerlikpen aınalysatyndardyń ishinde respondentterdiń:
- 7,3 paıyzy – 24-28 jasta;
- 4,7 paıyzy – 19-23 jasta;
- 1,2 paıyzy – 14-18 jasta.
«Kásipkerlik qyzmette qala jastarynyń 17,7 paıyzynda, aýyl jastarynyń 20,9 paıyzynda mundaı tájirıbe bar. Jas qazaqstandyqtar arasynda jumyssyzdyq máselesi áli de ózekti. 2019 jyly 3,7 paıyzdan 2021 jyly 3,8 paıyzǵa deıin 0,1 paıyzdyq tarmaqqa ósti, qalada – 4,1 %, aýyldyq jerlerde – 3,2 %. Kóbinese bilim deńgeıi tómen jastar jumyssyz júr», delingen zertteýde.
2021 jyly 15-28 jas aralyǵyndaǵy 77,6 myń jumyssyz azamattyń 33,9 myńy nemese 43,7 paıyzynyń orta kásiptik bilimi bar. 12,5 myń nemese 16,1 paıyzy bastaýysh jáne orta bilim alǵan.
