Mańǵystaý óńiriniń damý jospary men suranysyna saı daıyndalǵan bilim berý, kólik-logıstıka, týrızm, jasyl sýtegi, ınjenerlik salalardaǵy tyń baǵyttar boıynsha oqytý josparyna Brıtan ýnıversıtetteriniń basshylary da qyzyǵýshylyq bildirdi.
Yessenov University jáne Canterbury Christ Church University arasynda ózara yntymaqtastyq týraly memorandýmǵa qol qoıyldy. Eki ýnıversıtettiń áriptestigi negizinde bilim berý, bıznes jáne menedjment, týrızm jáne qonaqjaılyq salasyndaǵy akademııalyq almasý, ınjenerııa, esepteý tehnıkasy baǵyttaryn zertteý arqyly stýdentter men professor-oqytýshylar quramynyń áleýetin arttyrý kózdelgen.
Sondaı-aq yntymaqtastyq aıasynda birlesken bilim, qos dıplom berý baǵdarlamalaryn jasaqtaý jáne iske asyrý, eki ýnıversıtet arasynda jańa tehnıka men tehnologııalardy ıgerýdi qamtamasyz etetin ǵylymı ujymdardy, zerthanalardy qalyptastyrý kózdelip otyr.
Memorandýmǵa qol qoıý jáne ýnıversıtetterdiń yntymaqtastyqty odan ári damytýy joǵary bilim men ǵylymnyń sapaly ortasyn qalyptastyrýǵa, Ulybrıtanııanyń oqytýdaǵy ozyq ádisterin engizýge múmkindik beredi.
Mańǵystaý oblysy
