Eldiń premer-mınıstri Krıs Hıpkınstiń sózinshe, el tarıhynda osymen úshinshi ret tótenshe jaǵdaı rejımi jarııalanyp otyr.
- «Gabrıel» sıklony – Jańa Zelandııada bolǵan eń aýqymdy tabıǵı qubylystardyń biri. Mundaı eleýli jáne aýqymdy apat bútin bir urpaqtyń ómirinde bolǵan emes. Eldegi tótenshe jaǵdaı tarıhta úshinshi ret jarııalanyp otyr», - deıdi úkimet basshysy.
Daýyl dúısenbiden seısenbige qaraǵan túni el halqynyń basym bóligi turatyn Soltústik aral turǵyndaryn ábigerge salǵan.
Jeldiń ekpini saǵatyna 140 shaqyrymǵa jetip, 11 metrlik tolqyndar baıqalǵan, sondaı-aq táýligine 20 sm-ge deıin jaýyn-shashyn túsken. Qatty daýyldan 225 myńǵa jýyq adam jaryqsyz qaldy.
Kóshkin men joldardyń sý alýyna baılanysty jergilikti turǵyndar óz eldi mekenderinen shyǵa almaı qalǵan. TJM basshysynyń aıtýynsha, oqıǵa saldarynan 2,5 myńǵa jýyq adam evakýasııalanǵan.
