Sýretti túsirgen avtor
Iá, qys qyzyǵy – syrǵanaq. Qar jaýsa boldy, shanasyn saılaıtyn oıyn balasynyń ádeti emes pe?! Samar aýylynyń ishindegi úsh syrǵanaqta da oıyn qyzyp tur.
– Demalys kúnderi balalarymdy osynda ákelip syrǵanaq tepkizemin. Qazir qar qalyń, jaqsy sergip qalady. Negizi, aýylymyzdyń shetinen úlken syrǵanaq ornyn salsa, tipti jaqsy bolar edi. Shańǵy tebýge de jaǵdaı jasalsa deımin. Onda balalardan bólek jastar da barar edi. Munda keletin balalar kóp, – deıdi aýyl turǵyny Aınur Erbolqyzy.
Ras, ata-analar balalarynyń jan-jaqty damýy úshin qysqy sporttyq oıyn alańdarynyń bolǵanyn qalaıdy. Samar, Sarybel óńirinde jaz qalaı qyzyqty ótse, qysy da qyzyqqa toly bolsa desedi. Aýdan Buqtyrma sý qoımasyn jaǵalaı jatqan soń, jazdy jurt jaqsy ótkizedi. Sol sııaqty qysta da syrǵanaq tebetin oryndar kóbeıip, muz aıdyndary ashylsa degen eldiń tilegi bar.
– Aýylymyzda úsh syrǵanaq tebetin oryn bar. Qaýipsiz. Aınalasy keń. Aýdanymyzdyń jastary bos ýaqytyn ártúrli úıirmeler men sporttyq oıyndarǵa arnaıdy. Ásirese fýtbol, voleıbol, tennıs oınaıdy, – deıdi Samar aýdany jastar ortalyǵynyń dırektory Ernazar Saýyq.
Esterińizge salsaq, Prezıdent ótken jyldy Balalar jyly dep jarııalaǵan bolatyn. Jyl aıaqtalǵanymen, jaýapty mekemeler balalarǵa degen qoldaýyn toqtatqan joq.
Shyǵys Qazaqstan oblysy,
Samar aýdany
