Reuters agenttiginiń derekterine sáıkes, Brent markaly munaı fıýchersteri ótken jumada 2,2%-ǵa qymbattap, Baký ýaqytymen tańǵy saǵat 10.00-de 74 sentke nemese 0,9%-ǵa, barreline 85,65 dollarǵa deıin tómendedi.
Al amerıkalyq WTI markaly munaı aldyńǵy sessııadaǵy 2,1% ósimnen keıin osy joly 73 sentke nemese 0,9%-ǵa tómendep, barreline 78,99 dollarǵa satyldy.
OANDA bırjalyq kompanııasynyń sarapshylary shıki munaı baǵasynyń tómendeýi energetıkalyq treıderlerdiń oǵan suranys boljamynyń áleýetti álsireýin kútýimen baılanysty ekenin atap kórsetedi.
Investorlardyń mundaı áreketi AQSh-tyń Federaldy rezervtik júıesi (FRS) tarapynan 14 aqpandaǵy aldaǵy negizgi FQJ ınflıasııa esebiniń aıasynda aqsha-nesıe saıasatyn qataıtý qajettiliginen týyndap otyr.
Basylym eldegi ınflıasııany tejeý úshin AQSh FQJ-niń eldegi ınflıasııaǵa tótep berý maqsatymen paıyzdyq mólsherlemesin kóterýi ekonomıkalyq belsendilik pen munaıǵa suranysty báseńdetýi múmkin ekenin joqqa shyǵarmaıdy.
CMC Markets sarapshylary jeksenbi kúni Jeıhandaǵy túrik termınaly arqyly Ázerbaıjan munaıy eksportynyń qaıta jandanýy da qara altyn jetkizilimine qatysty alańdaýshylyqty azaıtty dep sanaıdy.
Termınal ótken aptada Túrkııa men Sırııada bolǵan joıqyn jer silkinisi saldarynan zaqymdanǵan. Bul – Ázerbaıjan men Iraktan munaı tasymaldaıtyn qubyrlar úshin qoıma jáne tıeý pýnkti.
Munaı baǵasy Reseı naýryz aıynda shıki munaı óndirýdi táýligine 500 myń barrelge nemese óndiristi shamamen 5%-ǵa qysqartatynyn málimdegennen keıin kóterilgen.
Munaı eksporttaýshy elder uıymy (OPEK) jáne olardyń seriktesteri, sonyń ishinde Reseı men OPEK+ toby qazan aıynda óndiristi táýligine 2 mln barrelge qysqartýǵa kelisti. Bul – álemdik suranystyń shamamen 2%-y.
Sońǵy aptada Brent 8,1%-ǵa, al WTI 8,6%-ǵa qymbattady. Buǵan jeltoqsanda COVID shekteýi alynǵannan keıin álemdegi eń iri shıki munaı tutynýshy Qytaıdaǵy suranystyń qalpyna kelýine degen optımızm septigin tıgizgen.
Basylym Qytaı elinde suranystyń qalpyna kelýi jáne ınvestısııa tapshylyǵyna baılanysty usynystyń shekteýli ósýi jaǵdaıynda munaı baǵasy bıyl barreline 100 dollarǵa deıin kóterilýi múmkin dep boljap otyr.
Botagóz ÁBDIREIQYZY,
«Egemen Qazaqstan»
