Erbol Qarashókeev «Ken-dala» baǵdarlamasy boıynsha kóktemgi naýqandy qarjylandyrýǵa byltyrǵy jyldaǵydaı 140 mlrd teńge qarastyrylǵanyn, sondaı-aq 3200-den astam taýar óndirýshilerdi qamtýdy jáne 2 mln gektarǵa egis pen egin jınaýdy qamtamasyz etýdi kózdep otyrǵanyn atap ótti. Sonymen qatar Azyq-túlik korporasııasy arqyly forvardtyq satyp alý baǵdarlamasy jalǵasady. Elimizdiń fermerleri naryqtyq baǵadan 15% tómen baǵamen tómen, jalpy kólemi 413 myń tonna jeńildetilgen dızel otynyn ala alatynyn aıtty.
«SQO-nyń áleýmettik-kásipkerlik korporasııalar arqyly AО́K-te ınvestısııalyq jobalardy qarjylandyrý boıynsha tájirıbesi qatar taratylatyn bolady. Almaty oblysy boıynsha pýlǵa quny 36,8 mlrd teńge bolatyn 13 joba engizildi. Bul sút fermalary, qus fabrıkasy jáne sýarý jobalary. AShM basshysy AО́K sýbsıdııalaý júıesin jetildirý jónindegi jumys týraly eske saldy, onyń sheńberinde tıimdiligi tómen jáne sybaılas jemqorlyq táýekelderi joǵary sýbsıdııalardyń 10-ǵa jýyq shaǵyn túri joıylady. Bul rette memlekettik qoldaýdyń negizgi baǵyttary ózgerissiz qalady. Qazir sýbsıdııalaýdyń jańa qaǵıdalarynyń jobasy memlekettik organdarda kelisilýden ótip jatyr jáne jaqyn arada bekitiletin bolady», dedi ol.
Sondaı-aq jer qatynastaryn retteý boıynsha atqarylǵan isterdi atap ótti.
«Jer ınspeksııasynyń jumysyn kúsheıtý esebinen 5,2 mln ga aýyl sharýashylyǵy jerleri memlekettik menshikke qaıtaryldy, onyń ishinde Almaty oblysynda 113,6 myń ga bar. Bul jerler aýyldyq eldi mekenderdegi mal jaıý qajettilikterin qanaǵattandyrý úshin qaıta bólinedi», dedi mınıstr.
