«Aýmaqtyq saılaý komıssııalary usynǵan málimetterge qaraǵanda, tirkeý kezeńi aıaqtalǵanǵa deıin 45 kandıdat kandıdatýrasyn óz qalaýymen alyp tastaý ótinishin bildirgen. Komıssııalar olardy berilgen ótinish negizinde tirkeýge almady. Taǵy 125 kandıdatttyń tirkeý týraly ótinishi keri qaıtaryldy. Onyń ishinde bir kandıdat QR Konstıtýsııasy men «Saılaý týraly» konstıtýsııalyq zańynyń Qazaqstan Respýblıkasynyń aýmaǵynda keıingi 10 jyl kóleminde turý qajettigi jónindegi talapqa sáıkes kelmegeni boıynsha tirkeýden ótpedi», dedi OSK tóraǵasynyń orynbasary.
Sondaı-aq taǵy birneshe kandıdat Bas prokýratýranyń málimeti negizinde tirkeýdenmóte almaǵan.
«4 kandıdat esepten shyǵarylmaǵan jáne ótelmegen sottylyqtyń bolýyna baılanysty, 5 kandıdat sot sybaılas jemqorlyq jasaǵany úshin nemese sybaılas jemqorlyq boıynsha zań buzǵany úshin kináli dep tanyǵandyqtan bas tartyldy», dep qosty spıker.
