Ádil saılaýdyń alǵysharty

Is-sharany ótkizýdegi basty maqsat – Parlament Májilisi men máslıhattary depýtattarynyń kezekten tys saılaýǵa daıyndyqty pysyqtap, saıası básekeni ótkizý boıynsha týyndaǵan máseleler men suraqtardy tıisti mekemelermen birge sheshý.

Semınardy ashqan aýmaqtyq saılaý komıssııasynyń tóraǵasy Asqar Saqypkereev oblystyń kezekten tys saılaýǵa daıyndyǵy jáne búginge deıin atqarylǵan jumys­tar týraly baıandady. Baıan­damada Parlament Májilisine depýtat saılaıtyn №24 birman­dattyq aýmaqtyq saılaý okrýgi boıyn­sha 18 aqpanda tirkeý aıaqta­lyp, bir orynǵa úmitker retinde 13 adam tirkelgeni aıtyldy.

О́z kezeginde OSK tóraǵasynyń orynbasary Konstantın Petrov úgit-nasıhat jumysy qalaı bastal­ǵanyn jáne kóshpeli semınar-keńesti ótkizýdiń maqsaty týraly baıandady.

– Bıylǵy saılaýdyń bir ereksheligi – saıası doda kezekten tys ótkizilip otyr. Parla­ment Májilisiniń  VIII shaqyry­lymy bolyp sanalatyn saılaý majorıtarlyq jáne partııalyq tizim bolyp, eki júıede ótkizile­di. Qazir depý­tat­tyqqa kandıdat­tar­dyń tir­kelýi respýblıka boıyn­sha to­lyq aıaq­taldy. Astana qala­synda №2 bir­mandattyq saılaý okrýgi boıyn­sha 42 adam tirkel­di. Bul – respýb­lıkadaǵy eń joǵary kór­setkish. Osy­nyń ózi azamat­tary­myzdyń ara­synda buryn bolm­aǵan belsen­dilikti kórsetip otyr. Biraq bul bi­zge qosymsha jaýapkershilik júk­teıdi, – dedi K.Petrov.

Odan ári K.Petrov jańadan engizilgen tártipti qarastyryp, týyndaýy múmkin máselelerdi qa­laı sheshýge bolatynyn talqylaý úshin kóshpeli semınar-keńes uıymdastyrylyp otyrǵanyn aıtty. Sondaı-aq komıssııa tóraǵasynyń orynbasary bıylǵy naýqannyń qarjylyq shyǵyndary barynsha ashyq bolatyndyǵy eskerilgenin jetkizdi. Osyǵan baılanysty OSK-nyń osy másele boıynsha bar­lyq suraqqa jaýap berýge ázir ekenin de atap ótti. Semınar barysyn­da baıqaýshylardyń jumysy­na engizilgen ózgerister, ÚEU qata­ry­nan tirkeletin barlyq baıqaý­shyǵa kedergi bolmaıtyny týraly da aıtyldy. Sonymen qatar OSK tór­aǵasynyń orynbasary birmandattyq saılaý okrýginen saılanǵan depýtatty keri shaqyryp alý tártibi qaıta engizilgenin túsindirip ótti.

– Eger depýtat óz mindetin oryndamady degen saılaýshylar bolsa, ony qaıta shaqyryp alý jóninde bastama kótere alady. Búl úderiske jeke adamdardyń da bastamashy bolý múmkindigi qarastyrylǵan, – dedi ol.

Jıynda saılaý komıssııa­lary­nyń materıaldyq-tehnıka­lyq ja­raqtandyrylýy týraly ob­lys ákimi apparatynyń jetek­shisi Oljas Ydyrysov baıandady. Semınar-keńestiń sońynda aýmaq­tyq, aýdandyq saılaý komıs­sııa­larynyń músheleri ózderin tolǵan­dyrǵan suraqtarǵa jaýap aldy.

PETROPAVL