Qazaqstan tennıs federasııasy málim etkendeı, Rybakına ekinshi aınalymda álemniń 26-raketkasy, chehııalyq Marııa Boýzkovamen sheberlik baıqasty. Osyǵan deıin qarsylastardyń joly ózara úsh ret túıisip, bárinde qazaqstandyq tennısshi jeńgen edi.
Bul joly Elena matchty breıkpen bastaǵanymen, Boýzkova tarazy basyn teńestire aldy. Degenmen Elena taǵy bir breık jasap, 6:5 esebimen alǵa shyqty. Sosyn setke dop bergende, óz múmkindigin jibergen joq – 7:5.
Qazaqstandyq tennısshi ekinshi partııany da breıkpen bastady – 2:0. Sodan keıin taǵy bir eıs jasap, matchty jeńispen túıindedi – 6:2.
Rybakına shırek fınalǵa shyǵý úshin álemniń 6-raketkasy, amerıkalyq Koko Gaýfpen talasady. Ol ekinshi aınalymda reıtıngte 43-orynda turǵan Belarýs ókili Aleksandra Sasnovıchti tize búktirdi – 6:0, 6:4.
Taǵy bir qazaqstandyq, reıtıngte 46-satydaǵy Iýlııa Pýtınseva Dýbaıda ekinshi aınalymda álemniń 15-inshi, osy jarystyń 12-raketkasy, chehııalyq Petra Kvıtovamen kezdesip, 4:6, 4:6 esebimen jol berdi.
