Mınıstrdiń aıtýynsha, 2022 jyly Qazaqstanda 1,2 mln tonna pııaz jınalǵan.
«Pııazǵa keletin bolsaq, ótken jyly 1,2 mıllıon tonna jınadyq. Onyń 1 mln-v Jambyl oblysynda jınaldy. Iá, biz sýarmaly jerler boıynsha da eksporttyq áleýetti arttyra alamyz. Bul Jambyl oblysyna qatysty. Eń bastysy, ishki naryq pııaz qorymen qamtamasyz etilgen», dedi Erbol Qarashókeev jýrnalısterge bergen suhbatynda.
Onyń aıtýynsha, qazirgi ýaqytta pııazdyń jaǵdaıy turaqtandy. Mınıstrdiń málimetinshe, el qorynda shamamen 70 myń tonna pııaz bar, onyń 30 myńnan astamy Jambyl oblysynda saqtalǵan.
«Jambyl oblysynda kóterme baǵa 200 teńgeni, Astanada - 260-300 teńgeni quraıdy. Dúkenderde - 300-360 teńge. Baǵalar turaqtandy. Qazir pııaz eksportyna tyıym salyndy, biz jaǵdaıdy baqylap otyrmyz», dep qosty Erbol Qarashókeev.
Sondaı-aq agrarlyq vedomstvo basshysy bıyl pııaz molynan egiletinin atap ótti.
«Biz pııazsyz qalmaımyz», dep túıindedi mınıstr.
