Naqtyraq aıtsaq, «Memlekettik basqarý», «Memlekettik jáne jergilikti basqarý» jáne «Adamı resýrstardy basqarý» baǵyttary boıynsha mamandar daıarlanbaq.
Is-sharaǵa qatysqan Memlekettik qyzmet isteri agenttigi Tóraǵasynyń orynbasary Azamat Jolmanov: «Memlekettik qyzmet isteri agenttigi ashyq, ádil, qoǵamnyń suranysyna saı qyzmet kórsetetin, zamanaýı talaptarǵa ıkemdi memlekettik apparatty qalyptastyrý baǵytynda tıisti jumystardy atqaryp jatyr. Búgingi Memorandým memlekettik qyzmetti basqarýdy damytýǵa, memlekettik qyzmet salasyn modernızasııalaýǵa, HR tehnologııalar men quraldarly keńinen qoldanýǵa negiz bolatynyna senimdimin», dep pikirin bildirdi.
Al Ǵylym jáne joǵary bilim mınıstri Saıasat Nurbek elimizde memlekettik basqarý salasy, HR qyzmeti boıynsha ǵylymı zertteýler júrgizilýi kerek ekenin atap ótti.
«Qazirgi tańda elimizde 30-dan astam joǵary oqý orny memlekettik basqarý salasy boıynsha maman daıarlaıdy. Memleket basshysynyń tapsyrmalaryn oryndaý aıasynda Memlekettik qyzmet isteri agenttigimen jáne Memlekettik basqarý akademııasymen birlese otyryp, bilim baǵdarlamasyn jańartýymyz qajet. Memleketik basqarý júıesin qaıtadan zertteýimiz kerek. Sebebi sıfrlyq kúsh kóp nárseni ózgertip jatyr. Al memlekettik qyzmet jahandyq ózgeristerge daıyn bolýy kerek. Birlesken jumystyń aıasynda magıstranttar men doktoranttar memlekettik qyzmet júıesi, HR qyzmeti boıynsha qoldanbaly zertteýlermen aınalysatyn bolady», dedi mınıstr.
Osyǵan oraı aldaǵy ýaqytta Akademııa men memorandým jasasqan JOO ortaq zertteýler júrgizip, bilim berý baǵdarlamalaryn birlese ázirleý jáne qoldanysqa engizý, memlekettik basqarý jáne HR salasy boıynsha sarapshylar pýlyn qurýdy qolǵa almaq.
«Búgin joǵary oqý oryndarynyń rektorlarymen jáne ókilderimen kezdesip, kásibı memlekettik apparatty qalyptastyrý prosesin kadrlyq jáne eksperttik qamtamasyz etý boıynsha mańyzdy máselelerdi talqyladyq. Ýnıversıtetterdiń áleýetin biriktirý jáne joǵary oqý ornynan keıingi bilimi bar mamandardy daıarlaý memlekettik saıasattyń strategııalyq basymdyqtaryn iske asyrýǵa septigin tıgizedi», dedi Prezıdent janyndaǵy Memlekettik basqarý akademııasynyń rektory Erlan Ábil.
Qujatqa qol qoıý rásiminen keıin taraptar Memorandým aıasynda júzege asyrylatyn is-sharalar boıynsha daıyndalǵan Jol kartasyn talqylady. Endi joǵary oqý oryndarynyń doktoranttary men magıstranttary memlekettik organdarda tájirıbeden jáne taǵylymdamadan ótýge múmkindikteri bar.
