Mınskide Eýrazııalyq ekonomıkalyq odaqtyń keleshegi men múmkindikteri talqylandy

ASTANA. 23 maýsym. Mınskidegi Qazaqstan elshiliginde Eýrazııalyq ekonomıkalyq odaqtyń búgini men keleshegi talqylanǵan ǵylymı-tájirıbelik konferensııa ótti. Bul týraly «24kz» habarlady. Konferensııaǵa ǵylym men mádenıet qaıratkerleri, ekonomıka sarapshylary jáne dıplomattar qatysty. Jıynda elimizdiń Belarýs memleketindegi tótenshe jáne ókiletti elshisi Erǵalı Bólegenov: «Eýrazııalyq ekonomıkalyq odaqtyń bekerge qurylmaǵanyn, eldiń paıdasyn kózdeıtinin oǵan múshe memleketterdiń ókilderi áli-aq shynaıy sezinetin bolady», – dedi. Al óz kezeginde Eýrazııalyq ekonomıkalyq komıssııanyń básekelestik jáne monopolııaǵa qarsy retteý jónindegi mınıstri Nurlan Aldabergenov: «О́tken jyly Reseı men Belarýs arasynda elektrondyq saýda shekarasy ashyldy, onyń nátıjeleri jaman emes. Bul úderiske Qazaqstan 2014 jyly qosyldy. Sol úshin de bizge elektrondyq saýda qyzmeti sharttaryn teńestirý qajet», – dedi. Konferensııaǵa arnaıy qatysqan Qytaıdyń Belarýs elindegi tótenshe jáne ókiletti elshisi Sýı Sımın de óz pikirin ortaǵa saldy. Onyń aıtýynsha, Qytaı Eýrazııalyq ekonomıkalyq odaqpen qarym-qatynasqa túsýden úlken úmit kútedi. Taıaýda Qytaı men Eýrazııalyq ekonomıkalyq odaqqa múshe-memleketter arasynda yntymaqtastyq jóninde qadam jasalýy múmkin. Budan bólek, basqosýda Eýrazııalyq ekonomıkalyq odaq aıasynda erkin saýda aınalymynyń artýyna, ekonomıka men básekelestiktiń damýyna qol jetkiziletini sóz boldy. Joldybaı Bazar. Derekkóz: «24kz». Foto: remarka.kz.