«2023 jylǵy 25 aqpanda Astana-Shymkent KS-7307 reısi «Eırbas-A320» áýe kemesinde saǵat 05:40-qa josparlanǵan bolatyn. Aýa raıynyń qolaısyzdyǵyna baılanysty (Shymkent áýejaıynda qatty jel) reıstiń ushýy keıinge qaldyryldy jáne odan ári toqtatyldy. Reıs mártebesiniń ózgerýiniń barlyq faktisi boıynsha jolaýshylarǵa tıisti habarlamalar jiberildi», delingen habarlamada.
Vedomstvo málimetinshe, ushýdy kútý kezinde qoldanystaǵy zańnamaǵa sáıkes jolaýshylarǵa salqyn sýsyndar men ystyq tamaq taratylǵan. О́tinish bildirgen barlyq jolaýshyǵa bıletterdi tolyq qaıtarý rásimdelgen.
«Azamattyq avıasııa komıteti men Qazaqstannyń avıasııalyq ákimshiligi atalǵan fakt boıynsha qosymsha tekserý júrgizedi jáne áýe kompanııa tarapynan buzýshylyqtar anyqtalǵan jaǵdaıda tıisti sharalar qabyldanady. Azamattyq avıasııadaǵy basty basymdyq - ushý qaýipsizdigi», dep habarlady komıtet.
Eske sala keteıik, buǵan deıin elorda áýejaıynda jolaýshylar reıstiń toqtatylýyna baılanysty janjal shyǵarǵanyn habarlaǵan edik.
