Bul is-shara О́zbekstan memleketinde uıymdastyrylǵan. Kólik jarysyna jergilikti sportshylardan bólek, Qazaqstanmen Tájikstannan 50-ge tarta temir tulpar ıesi baq synasqan edi.
Júrgizýshi Ilıa Prokopenko: «Men Qazaqstanda mundaı jarystarǵa jıi qatysyp turamyn. О́zbekstanǵa alǵash kelýim. Aýa raıyna baılanysty jol aýyr boldy. Kóp kólik laıda qalyp qoıdy. Biz temir tulparymyzdy osy saıysqa arnaıy daıyndadyq. Aldaǵy ýaqytta basqa da halyqaralyq jarystarǵa qatysyp, budan bıik belesterdi baǵyndyramyn degen senimdemin», dep oıyn aıaqtady.
Jol talǵamaıtyn kólik mingender túrli kedergilerden súrinbeı ótti. Bizdiń elden barǵan sportshy máre syzyǵyna ekinshi bolyp jetti. Alaıda jarys jeńimpazymen ýaqyt aıyrmashylyǵy kóp emes. Báıge barysynda laı-batpaqtan ári asa almaǵandar da bar. Júldegerler syıaqy jáne estelik syılyqtarmen marapattaldy. Otandasymyz bul jetistigimen toqtamaı, aldaǵy ýaqytta joǵary deńgeıli jarystarǵa qatysýdy josparlap otyr.
