Byltyr ol «Talapai» startap ıdesyn quryp, EUÝ bıznes-ınkýbatoryn damytý baıqaýynda qarjylaı syılyq utyp aldy. Aınurdyń jobasy erekshe ulttyq dızaınmen jasalyp, onyń «Bes tas», «Qumar», «Aǵash úı» bestemshesi, «Tumar» bestemshesi, «Toǵyzqumalaq» oıyndary ulttyq oıý-órnekke baı qorjyn túrinde usynylǵan. Avtordyń úsh aı buryn bastalǵan «Talapai» jobasy qazirdiń ózinde óte tanymal. Onyń aıtýynsha, ulttyq oıyndy satyp alýǵa ótinishter tek elimizden ǵana emes, Túrkııa, AQSh, Nıderland tárizdi shetelderden de kelip túsken.
– Qazir sheteldik ústel oıyndaryn kóp kezdestiresiz. Sondyqtan men ózimizdiń ulttyq oıyndarymyzdy zamanaýı úlgide nege dáriptemeske dep oıladym. «Talapai» ıdeıasy osylaı paıda boldy. Ár oıyn sómke tárizdi aǵashtan jasalǵan qorapta usynylǵan. Ony barlyq jerde alyp júrýge óte yńǵaıly. О́te jeńil. Bastysy – aǵash sómke kópfýnksıonaldy, ony ashyp, oıyn oınaýǵa bolady, – deıdi A. Polatova.
Aldaǵy sáýir aıynda ol «Louis Vuitton» ókilderimen kezdespek. Onyń kıiz úı tárizdi sómke jasaý týraly usynysyn álemdegi áıgili brendterdiń biri qoldap, dızaındy talqylaýǵa Parıjge shaqyrdy.
«Jarnamadan «Louis Vuitton» bizdiń kıiz úıge uqsas dúken ashqanyn kórip qaldym. Bul meni qyzyqtyryp, oǵan kıiz úı tárizdi sómke jasaý týraly usynys hat jazdym. Eki aptadan keıin kompanııa meniń usynysyma qyzyǵýshylyq bildirip, ózderiniń jaýap hatynda ıdeıany odan ári talqylaý úshin Parıjge shaqyrdy», dedi ol.
Búginde Aınur Polatova Germanııadaǵy Gete atyndaǵy Frankfýrt ýnıversıtetinde EUÝ akademııalyq utqyrlyq baǵdarlamasymen oqyp júr.
