Ultaralyq kelisimniń basty qaǵıdasy

Is-sharany ashqan kitaphana dırektory Baqytjan Temirbolat eli­miz­ táýelsizdik alǵan alǵashqy kún­nen bastap-aq adamdardyń ulttyq jáne dinı sezimderine qurmetpen qaraýyn nasıhattaǵan «Birligimiz – áralýandylyqta» qaǵıdatyn berik ustanǵanyn atap ótti.

– Qazaqstanda turatyn barlyq etnostyń mádenıetin, tilin, dástúrin damytýǵa mol múmkindik jasalǵan. Olardyń sany 130-dan asady. Biz eldegi konfessııaaralyq tatýlyqty da qamtamasyz ettik. Elimizde 40-tan astam túrli konfessııanyń ókilderi irgeles turyp, oqyp, jumys istep, balalaryn tárbıelep jatyr. Biraq bizdiń ártúrliligimiz tek etnostyq jáne dinı aıyrmashylyqtarmen shektelmeıdi. Bizdiń qoǵamymyz alýan túrli. Degenmen aıyrmashylyqtardy qur­metteı otyryp, shyn máninde, bire­geı mádenıetimizdi qa­lyp­tastyratyn ortaq qundylyq­tar­dy umytpaǵanymyz jón. Keń jáne ashyq pikirtalas negizinde ártúrli, keıde polıarlyq pikirlerdi ortaq tú­ıin­­ge jetkizýge múmkindik beretin ıns­tıtýsıonaldyq tetikter men ar­na­­lar­dyń tıimdi jumys isteýi de óte mańyzdy. Onyń ústine, konsensýs negizinde qabyldanǵan sheshimderdi júzege asyrý qajet. Búgin­gi tańda Ádiletti Qazaqstan boı kóte­rip jatqanda mundaı tetikter erekshe ózekti bolyp otyr, – dedi B.Temirbolat.

Basqosýda Senat depýtaty Gennadıı Shıpovskıh ultaralyq ke­li­sim – bizdiń ortaq qundylyǵymyz eke­nin jáne jahandyq qaýip-qater jaǵ­­daıynda ultaralyq qarym-qa­ty­nasty nyǵaıtýdyń el úshin ma­ńyzy zor ekenin atap ótti. Osy maq­sat­ta qurylǵan Qazaqstan halqy Assambleıasy tabysty jumys istep keledi, al onyń janynan jasaqtalǵan QHA jastar qanaty belsendi uıymǵa aınaldy.

Assambleıanyń toptastyrýshy ró­line jan-jaqty toqtalǵan AQDM Etnos­aralyq qatynastardy damytý komıtetiniń tóraǵasy Ǵalym Shoıkın: «Bul biregeı uıym etnomá­de­nı birlestikterdiń kúsh-jigerin biriktirýdi qamtamasyz etedi, Qazaqstan halqynyń ulttyq mádenıetterin, tilderi men dástúrlerin jańǵyrtýǵa, saqtaýǵa jáne damytýǵa kómektesedi. Bul ultyna qaramastan elimizdiń barlyq azamattarynyń quqyqtary men bostandyqtaryn qorǵaýǵa yqpal etedi. QHA «zaman kóshine ilesýge» tyrysady jáne óz qyzmetin únemi jetildirip otyrady. О́tken jyldyń kúzinde qoǵamdyq kelisim men jalpy­ult­tyq birlikti nyǵaıtýdyń barlyq ózekti máselesin qamtıtyn Qazaqstan halqy Assambleıasyn da­my­tý­dyń 2022-2026 jyldarǵa ar­nalǵan jańa tujyrymdamasy qabyl­dandy», dep atap ótti.

Sóz tizginin alǵan «Qoǵamdyq keli­sim» RMÝ dırektory Elına Paýlı qoǵamdy biriktirýshi rólge ıe qa­zaq halqy týraly aıta kele, el aýmaǵyn­da turatyn túrli etnostardyń mádenıet elementteriniń bir-birine qalaı enip jat­qany, nátıjesinde, budan da kó­birek jaqyndasýǵa jáne ózara ba­ıy­tý­ǵa jol ashylatyny jóninde óz oıy­men bólisti.

Kezdesý barysynda ǵylymı-sa­rap­­tamalyq qoǵamdastyq, QHA, «Qo­ǵamdyq kelisim» RMÝ, etno­má­de­nı birlestikter men jastar uıym­­darynyń ókilderi birlik uǵym­da­ryn qalyptastyrý men nasıhat­taý­dyń ózekti máselelerin jan-jaq­ty tal­qy­lap, etnosaralyq qaty­nas­tar­dyń qazirgi zamanǵy úderisterine óz kóz­qa­rastaryn bildirdi.