Naýryz aıynda jaýyn-shashyn mólsheri respýblıkamyzdyń basym bóliginde normadan asady, batysta, soltústikte jáne ońtústik-batysta norma shamasynda boljanady.
Naýryz aıy turaqsyz aýa raıymen bastalady. Barens jáne Karsk teńizder aýdandarynan kelgen sıklonmen baılanysty atmosferalyq fronttar jyljyp, elimizdiń basym bóliginde jańbyr jáne jylbysqy qar aralas jaýyn-shashyn túsedi, soltústik óńirde burqasyn júredi dep boljanady, ońtústik bóliginde jańbyr, naızaǵaı bolýy múmkin.
Qazaqstan oblystarynyń basym bóliginde kóktaıǵaq bolady, jeldiń ekpini 18-25 m/s deıin jetedi dep kútiledi.
Naýryz aıynyń basynda soltústik óńirlerde aýa temperatýrasy túnde 0,-5°S, kúndiz -2+5°S, ońtústikte túnde -3+10°S, kúndiz +13+20°S-qa deıin joǵarylaý yqtımaldylyǵy boljanady. Tek Qazaqstannyń batysynda, soltústik-batysynda Batys sýyq antısıklon áserinen aýa temperatýrasy túnde -5-12°S, kúndiz 0,-8°S-qa deıin azdap tómendeıdi dep boljanady. 3-4 naýryzda respýblıkamyzdyń qalǵan aýmaǵynda aýa temperatýrasynyń tómendeýi boljanady:
- soltústik jartysynda túnde -10-18°S, kúndiz -3-10°S-qa deıin;
- ońtústik jartysynda túnde 0,-8°S, kúndiz +5+13°S-qa deıin.
Birinshi onkúndiktiń ekinshi jartysynda respýblıka aýmaǵynda qaıtadan turaqsyz aýa raıy kútiledi. Bul Batys jáne Ońtústik Kaspıı sıklondarynyń tóbe kórsetýimen baılanysty bolady: jaýyn-shashyn, kóbinese jańbyr túrinde, kúndizgi aýa temperatýrasynyń aıtarlyqtaı joǵarylaýy kútiledi. Soltústik jartysynda kúndiz -2+5°S deıin, ońtústik jartysynda +17+22°S deıin synap baǵany joǵarylaıdy dep boljanady. Aýa temperatýrasynyń qaıta tómendeýi Batys antısıklonǵa baılanysty alǵashqy onkúndiktiń sońynda boljanady.
Ekinshi onkúndiktiń basynda eldiń basym bóliginde Iran aýdandarynan jyly aýa massalary jyljyp kelip, jaýyn-shashynsyz aýa raıy kútiledi. Aýa temperatýrasy kúndiz soltústik jartysynda +3+10°S deıin, ońtústik jartysynda +18+25°S deıin joǵarylaıdy.
Ekinshi onkúndiktiń keıbir kýnderinde sýyq arktıkalyq aýa massalarynyń jyljyp kelýine baılanysty aýa temperatýrasy kúrt tómendeıdi:
- soltústik óńirlerde túnde -15-23°S, kúndiz -5-10°S-qa deıin;
- elimizdiń batysynda, ortalyǵynda, shyǵysynda túnde -13-18°S, kúndiz 0,-5°S-qa deıin;
- ońtústik jáne ońtústik-shyǵys óńirlerde túnde -2-10°S, kúndiz 0,+5°S-qa deıin.
Respýblıkamyzda naǵyz kóktemgi aýa raıy aıdyń úshinshi onkúndiginde bastalady dep kútiledi, elimizdiń ońtústik jartysynda aýa temperatýrasy kúndiz birtindep +15+25°S-qa deıin, soltústik jartysynda aýa temperatýrasy +3+12°S-qa deıin joǵarylaıdy.
