– Qazaqstan jerine qosh keldińizder! Búgin Ulttyq ulan Bas qolbasshylyǵy ózara kelissóz alańy bolyp otyr. Kelissózge Memlekettik kúzet qyzmetiniń, Qarýly Kúshterdiń, Ishki ister mınıstrliginiń, Ulttyq qaýipsizdik organdarynyń, «Qazaqstan Injınırıng» Ulttyq kompanııasynyń ókilderi men Ulttyq ulannyń basshylyq quramy qatysyp otyr. Qatysýshylar sizderdiń usynystaryńyzdy muqııat tyndap, múddeli taraptardyń oı-pikirlerin tyńdaýǵa daıyn, – dedi kelissózdiń ashylý barysynda Ishki ister mınıstriniń orynbasary – Ulttyq ulan Bas qolbasshysy general-maıor Erkin Botaqanov.
Serbtik taraptan sóz alǵan «Yugoimport» kompanııasy Bas dırektorynyń orynbasary Pantık Danıel aldymen osy kezdesýge múmkindik bergen Ulttyq ulan basshylyǵyna jáne qazaqstandyq tarapqa óz alǵysyn aıtyp, ózimen birge kelgen delegasııa quramymen tanystyrdy. Sodan keıin sóz alǵan dırektordyń kómekshisi Sradan Nıkodjıvıch serbııalyq qarý-jaraq zaýyttary ónimderiniń tusaýkeserin ótkizdi. Sondaı-aq qazaqstandyq kúsh-qurylymdarmen aradaǵy baılanys pen yqpaldastyq kókjıekteri týraly alǵysharttardy tilge tıek etti. Shara barysynda qazaqstandyq áskerıler tarapynan saýaldar qoıylyp, kezdesý suraq-jaýap formatyna aýysty. Oǵan serbııalyq delegasııa músheleri tushymdy jaýaptar berdi.
Ulttyq ulan Bas qolbasshysy general-maıor Erkin Botaqanov serbııalyq qarý túrlerine, polısııa men jandarmerııaǵa arnalǵan avtokólikterge jáne tikushaqtarǵa arnalǵan oqshasharlarǵa suranys baryn jetkizip, Qazaqstanda qarýdyń keı túrleri men quraldaryn shyǵaratyn ortaq óndiris ornyn ashý máselesin kóterdi. Serbııalyq tarap kezdesýge oń baǵasyn bere otyryp, búgingi kezdesýden kóp úmit kútetinin jetkizdi.
