Atap aıtsaq, sot sheshimimen jaýapkerdiń jer ýchaskesiniń nysanaly maqsatynyn ózgertýden bas tartýy zańsyz dep tanylyp, jerdiń nysanaly maqsatyn ózgertýdi, ıaǵnı bir aı ishinde JShS-niń paıdasyna qolaıly ákimshilik akt qabyldaý mindettelgen.
Alaıda, osy ýaqytqa deıin sot sheshimi oryndalmaǵan, jetkilikti ýaqyt ótse de qala ákimi qolaıly akt qabyldaýǵa eshqandaı shara qoldanbaǵan.
Ákimshilik kodekstiń talaptaryna sáıkes, sot sheshimderin oryndaýdan jaltarý 50 AEK mólsherinde aqshalaı óndirip alýǵa ákep soǵady.
Nátıjesinde, sot uıǵarymymen Aqtaý qalasynyń ákimine qatysty 50 AEK mólsherinde, ıaǵnı 172 500 teńge aıyppul salyndy.
Ákim aıyppuldy 5 kún ishinde tólep, sot sheshimin 10 kún ishinde oryndaýy kerek. Áıtpese, aqshalaı óndirip alý 10 AEK-ke ulǵaıtylǵan mólsherde qaıta qoldanylady.
