Alǵashqy eki másele seleksııalyq jetistikter men tuqym sharýashylyǵyn qorǵaýdy retteý máseleleri jónindegi zań jobalaryna Úkimet qorytyndylarynyń jobalaryn qaraýǵa jáne Parlament depýtattary bastamashylyq etken ákimshilik quqyqbuzýshylyq týraly kodekske tolyqtyrýlar engizý jóninde boldy.
Zań jobalarynyń negizgi erejeleri týraly Aýyl sharýashylyǵy vıse-mınıstri Ábilqaıyr Tamabek baıandady.
Sondaı-aq qatysýshylar kvazımemlekettik sektordy damytý máseleleri jónindegi zań jobasynyń tujyrymdamasyn qarady. Onyń negizgi erejeleri týraly zań jobasyn ázirleýshi – Ulttyq ekonomıka vıse-mınıstri Ilıas Ýserov baıandady.
Aıta ketý kerek, zań jobalarynyń sapasyn arttyrý maqsatynda Ádilet mınıstrligi komıssııa jumysyn transformasııalady. Endi zań jobalaryn daıyndaý barysynda ázirleýshilerge jaýapkershilik kúsheıtildi.
Mınıstr ázirleýshilerden budan bylaı zań jobalarynyń tujyrymdamalaryn tereńirek pysyqtaýdy talap etti.
«Vedomstvoaralyq keńeste siz zań jobasynyń tujyrymdamasyn osymen ekinshi ret tanystyrǵaly tursyz. Komıssııa zań jobasyn sapaly túrde talqylaýǵa jáne aıaqtaýǵa múmkindik beretin jaqsy súzgi bolyp otyr. Alaıda búgin baıqalyp aıtylǵan eskertýler boıynsha nátıje shyǵarmaısyzdar. О́tken otyrysta aıtylǵan usynystar men eskertýler jaı ǵana alynyp tastalǵan. Nátıjesinde konsýltatıvtik qujattyń pysyqtalǵan nusqasynan sizder oılastyrylǵan barlyq novellalar alynyp tastalǵan. Azdaǵan túzetýler men ózgeristerdi qospaǵanda, barlyǵy burynǵysha», dep atap ótti mınıstr.
Sondaı-aq Azamat Esqaraev shıki zań jobalaryna qatysty birqatar eskertý jasady.
«Jalpy bul ǵana emes, sizderden memlekettik kásiporyndardyń ruqsat etilgen qyzmet túrleriniń tizbesin keńeıtý usynylǵan edi. Al Úkimet bolsa ony 2015 jyldan bastap josparly túrde qysqartýda. Nátıjesinde is júzinde qandaı da bir novellalar joq. Mundaı zań jobasyn ázirleý qajettiligi bar ma degen zańdy suraq týyndaıdy. Mundaı jaǵdaıdyń sebebi memlekettik organdarmen, vedomstvoǵa baǵynysty uıymdarmen reforma tásilderi boıynsha keń aýqymdy túsindirý jumystarynyń tıisti túrde júrgizilmegendiginen ekenin atap ótý qajet dep sanaımyn», dedi mınıstr.
