3 naýryz kúni tańerteń 102 pýltine oblys turǵyny 61 jastaǵy anasynyń joǵalyp ketkeni týraly habarlady. Qyzynyń aıtýynsha, onyń este saqtaý qabileti nashar, sondyqtan úıge aparatyn joldy taba almaıdy. Shaqyrýdy qabyldaǵannan keıin ınspektor-kınolog Dıas Iglikov oqıǵa ornyna bardy. «Alladın» qyzmettik-izdestirý ıtiniń kómegimen izdeý jumystary bastaldy.
«It joǵalǵan áıeldiń izin birden tapty. Biz jaqyn mańdaǵy aýmaqty jáne Proletarskaıa kóshesiniń boıymen 800-1000 metr radıýsta aınalyp óttik. 39-shi úıdiń janynan joǵalǵan áıel tabyldy. Ol abdyrap qalyp, úıin taba almaǵan. Sonymen qatar dalada júrip,jaýrap qalǵan. Izdeý jumystary shamamen bir saǵatqa jýyq ýaqytqa sozyldy», dedi polısııa serjanty.
Dıas Iglikov polısııada 2019 jyldan beri jumys isteıdi. Osy ýaqyt ishinde ol joǵalǵan adamdardy izdeýge birneshe ret qatysqan. Qyzmettik ıttiń kómegimen joǵalǵan úsh adam tabylǵan.
