Jastarǵa berilgen «qarmaq»

Infografıkalardy jasaǵan Amangeldi Qııas, «EQ»

Bul rette is bastaǵysy keletin yntalylardy qarjylaı demep, talabyn ushtaýǵa basa kóńil bólinedi. Prezıdent tarapynan munyń naqty tetigi retinde jyldyq ósimi 2,5 paıyzdan aspaıtyn shaǵyn nesıe berý usynyldy. Bıyldan bastap qolǵa alynyp jatqan bastama jastardyń jolyn ashyp, kásibiniń órge basýyna septigin tıgizbek. Endeshe, jeńildetilgen nesıe alýdan úmitti jastar naýryz aıynan bastap qujattaryn tapsyrýyna bolady.

Memleket basshysy Qasym-Jomart Toqaev byltyrǵy Joldaýynda: «Jastarǵa jan-jaqty qoldaý kórsetý – memleketimizdiń basty mindetiniń biri. Eńbekpen qamtıtyn túrli sharalar arqyly kelesi jyly 100 myń jasqa jumys berýimiz kerek. Jastardyń kásipkerlik bastamalaryna qoldaý kórsetile beredi. Olarǵa jeńildetilgen tártippen jyldyq ósimi 2,5 paıyz bolatyn shaǵyn nesıe beriledi. Bul sharalar qoǵamnyń barynsha úılesimdi ári ádiletti bolýyna yqpal etedi», dep atap ótken edi.

Joldaý júktegen bul min­dettiń aıasynda 2023 jyldyń 1 naýryzynan bastap jastardyń kásipkerlik bastamalaryn iske asyrýyna múmkindik beretin jeńildetilgen shaǵyn nesıe alýǵa qujattar qabyldaý bas­taldy. Bıyl 2,5% jyldyq ósimmen barlyǵy 5 796 nesıe berý josparlanyp otyr.

Shaǵyn nesıe 21 jastan 35 jasqa deıingi jastarǵa óz isin ashý nemese keńeıtý úshin 5 jyldan aspaıtyn merzimmen jeke kásipker retinde tirkelgen jaǵdaıda beriledi. Bul rette qatysýshylardyń jasy «Ag­rarlyq kredıttik korporasııa» AQ-qa ótinimmen júgingen kezde eskeriledi.

Atalǵan nesıeniń kólemi – 5 mln teńgege deıin. Al buǵan qatysýdyń eń uzaq merzimi – 5 jyldan (kez kelgen maqsatqa) 7 jylǵa deıin (mal sharýashylyǵy salasyndaǵy jobalar úshin) bolýy múmkin. Nomınaldy syıaqy mólsherlemesi, joǵaryda kel­tirgendeı, jyldyq 2,5%-dan aspaıdy.

Nesıe alýshylar úshin ne­gizgi borysh pen syıaqyny óteý boıyn­sha jeńildikti kezeń beriledi. Bul nesıe merzimi uzaqtyǵynyń úshten birinen aspaıdy.

Kepilmen qamtamasyz etý­diń bolýy – mindetti shart. Bul úshin jyljymaly (ma­man­dandyrylǵan tehnı­ka) já­ne jyljymaıtyn múlik qabyldanady. Kepilmen qam­­ta­­masyz etý bol­maǵan jaǵ­daı­da kepil berý­shini (ata-analaryn, týystaryn jáne t.b.) tartýǵa bolady.

Al ótinim berý úshin qu­jattar paketin «Agrarlyq nesıe korporasııasy» AQ fılıalyna tapsyrý qajet. Tıisti qujattardyń tizimi arnaýly kestede kórsetildi.

Shaǵyn nesıeler arnaıy komıssııanyń sheshimi negizinde beriledi. Bul komıssııa otyrys­tarynda úmitkerler ózderiniń bıznes-jobalaryn tanystyrady. Osylaısha, nesıe berý týraly sheshim komıssııalyq jáne naqty is-qımyl jos­pa­ry­men, ózekti, dáleldi, eko­no­­mıkalyq negizdelgen, qo­ǵam­­­dyq mańyzy bar, ómir­sheń bolýy kerek jobanyń py­syq­­talýyn baǵalaýdyń naq­ty ólshemsharttary negizinde qabyl­danady.

Qazirgi ýaqytta shaǵyn nesıeler alýǵa ótinimder 15 óńirde – Aqmola, Aqtóbe, Al­maty, Jetisý, Abaı, Jam­byl, Batys Qazaqstan, Qara­ǵandy, Ulytaý, Qostanaı, Qyzylorda, Mańǵystaý, Pavlo­dar, Túrkistan oblystarynda jáne Astana qalasynda qabyldanady. Qalǵan óńirlerde ótinimderdi qabyldaý jaqyn arada bastalady. Bul týraly qosymsha habarlanady.

«Agrarlyq nesıe korporasııasy» AQ fılıaldarynyń mekenjaılaryn agrocredit.kz/ru/main/contacts/affiliates saıtynan tabýǵa bolady.