1932 jyly qurylǵan Kanadanyń geologtar men ázirleýshiler qaýymdastyǵy (PDAC) barlaý, óndirý jáne taý-ken ónerkásibiniń jyl saıynǵy konferensııasy men kórmesin uıymdastyrý dástúrin jalǵastyryp keledi. Bul is-sharaǵa 130-dan astam elden 25 myń adam qatysady.
Qazaqstandyq delegasııaǵa memlekettik jáne jeke sektordyń 50-ge jýyq ókili, onyń ishinde «Qazaqmys korporasııasy» JShS, «ERG», «Taý-Ken Samuryq», «Kazsınk» JShS, «Greywolf Management», «QazGeology», «QazaqGeophysics» jáne «Aurora minerals» iri kompanııalary.
Sondaı-aq Torontoda ortalyq jáne jergilikti memlekettik organdar basshylarynyń qatysýymen Kanada-Qazaqstan bıznes forýmy ótti. Sharaǵa Indýstrııa jáne ınfraqurylymdyq damý vıse-mınıstri Iran Sharhan, IIDM Geologııa komıtetiniń tóraǵasy Erlan Akbarov, tóraǵanyń orynbasary Erlan Galıev, Ulttyq geologııalyq qyzmet basqarma tóraǵasynyń mindetin atqarýshysy Janat Karıbaev, iri qazaqstandyq geologııalyq barlaý kásiporyndarynyń basshylary men mamandary, sondaı-aq Hatch, CAMECO Corporation, B2Gold, Arras Minerals, Nutrien, Teck Resources Limited, Ion Energy sııaqty jetekshi kanadalyq kompanııalardyń basshylary qatysty.
Qazaqstan-Kanada bıznes forýmynda Polıak jáne Qazaqstan Ulttyq geologııalyq qyzmeti arasyndaǵy ózara túsinistik týraly Memorandýmǵa qol qoıyldy.
Ulybrıtanııa mınıstri Nýsrat Gımen jáne Ulybrıtanııa geologııalyq qyzmetiniń ókili Devıd Shofıldpen kelissózder júrgizilip, ekijaqty yntymaqtastyqty damytý perspektıvalary talqylandy. Sondaı-aq álemniń jetekshi kompanııalarymen jáne sheteldik geologııalyq qyzmettermen iskerlik kezdesýler ótti.
Qazaqstan Ulttyq pavılonynyń, sondaı-aq Qazaqstan-Kanada bıznes forýmynyń jumysy Qazaqstan men osy jahandyq is-sharaǵa qatysatyn basqa elder arasyndaǵy odan ári ekonomıkalyq yntymaqtastyqty yntalandyrady.
