«Qazaqstannyń 3 azamatynyń «ABS Change» krıpto aıyrbastaý pýnkti arqyly sıfrlyq aktıvterdi aıyrbastaý salasyndaǵy zańsyz kásipkerlik qyzmeti anyqtaldy. Atalǵan azamattar zańsyz áreketterin AHQO alańynan tys jerde iske asyrǵan. Olar 2021-2023 jyldar aralyǵynda Astana qalasynyń aýmaǵynda qylmystyq qyzmetin júzege asyrdy. О́tkizilgen is-sharalardyń nátıjesinde aıyrbastaý pýnktin uıymdastyrýshylardyń zattary, 342 000 AQSh dollary jáne 7 mln teńgesi tárkilendi», delingen vedomstvo habarlamasynda.
«Binance» platformasynda 2 krıptoámııannan 23 myńǵa jýyq AQSh dollary somasyna krıptoaktıvter anyqtalyp, olarǵa ýaqytsha shekteý qoıyldy. Aldyn ala esep boıynsha «Binance» platformasyndaǵy krıpto aıyrbastaý pýnktiniń krıptoámııandarynyń jalpy aınalymy shamamen 34 mln AQSh dollaryn qurady.
Tergeý jalǵasyp jatyr. QPK-niń 201-babyna sáıkes ózge aqparat jarııa etýge jatpaıdy.
