«2023 jylǵy aqpanda Mańǵystaý oblysynyń Qylmystyq ister boıynsha mamandandyrylǵan soty esirtki qylmysyna qatysýshylardy QR QK-nyń 286-baby 4-tarmaǵyna sáıkes kináli dep taýyp, uzaq merzimge bostandyqtarynan aıyrý týraly sheshim shyǵardy», delingen habarlamada.
Sottalýshylar 2022 jyldyń tamyzynda Qazaqstanǵa Kaspıı teńiziniń akvatorııasy arqyly 10 keli apıyn men 8 keli gashısh ákelmek bolǵan áreketteri úshin ustalǵan.
«Sheteldiń azamattary memlekettik shekarany kishi kólemdi qaıyqpen zańsyz kesip ótken. Qylmyskerler qoldanǵan qaıyq jeńil ári jyldam qozǵalatyndyqtan ony radıolokasııalyq quraldarmen anyqtaý qıyndyq týdyrǵan. Esirtki kózge túsý qaýip tómen, ıaǵnı tún mezgilinde tasymaldanǵan. Qylmyskerler navıgasııa úshin GPS jáne spýtnıktyq baılanys quraldaryn paıdalanǵan», delingen habarlamada.
Sot barysynda sottalýshylardyń kinási qylmystyq is materıaldarymen tolyq dáleldengeni aıtyldy. Esirtki bıznesine qarsy kúres jumysy jalǵasyp jatyr.
