Bul týraly Jetisý oblystyq sotynyń resmı ókili Nursultan Orynbasarov habarlady.
«Taldyqorǵan qalalyq sotynyń baspasóz qyzmeti málim etkendeı, sottalýshy aýrýhanaǵa túskenine baılanysty sot otyrysy kelesi aptaǵa shegerildi. Kúdebaevtyń qandaı dıagnozben aýrýhanaǵa túskeni aıtylmaıdy», dedi ol.
Esterińizge sala keteıik, ótken jyldyń 18 aqpanynda Serik Qúdebaev Almaty oblysy polısııa departamentiniń bastyǵy qyzmetinen bosatylyp, ishki ister organynan óz erkimen ketken. Sol jyldyń mamyr aıynda ol qańtar oqıǵasyna qatysty kúdikti dep tanyldy.
Májiliste qańtardaǵy oqıǵa týraly «Qantar oqıǵasy: derek pen dáıek» atty beınerolık kórsetilgen edi. Kadrda sol kezdegi Almaty oblysynyń polısııa bastyǵy qyzmetin atqarǵan Serik Kúdebaev pen onyń áriptesteri polısııa departamentiniń ǵımaratyn tastap ketip bara jatqany anyq kórinedi.
Buǵan deıingi sotta prokýror aıyptalýshyny 9 jylǵa bas bostandyǵynan aıyrýdy suraǵan.
