Ortaq saýda alańy ashyldy

Keshe Qarjy mınıstrliginiń Memlekettik múlik jáne jekeshelendirý komıteti men «Aqparattyq-esepteý ortalyǵy» AQ birige otyryp, memlekettik múlik pen kvazımemlekettik sektor aktıviniń ortaq elektrondyq  veb-portalynyń  qoldanylýyn túsindirgen semınar ótkizdi. Semınarǵa «Aqparattyq-esepteý ortalyǵy» AQ basqarma basshysy Janasyl Ospanov pen Memlekettik múlik jáne jekeshelendirý komıtetiniń tóraǵasy Edýard О́tepov qatysty. Semınar jekeshelendirýdiń kezekti tolqynynyń qalaı ótetindigin túsindirý, azamattar arasynda keńinen nasıhattaý maqsatynda ótti. Jekeshelendirýdi elektrondy satyp alý arqyly qalaı júzege asyrýǵa bolady degen suraqtardan bastap, jalǵa berilgen memlekettik obektilerge jalǵa alýshylar salǵan qarajat kimnen qaıtarylmaq degen máselelerge deıin aıtyldy. Memlekettik múlik reestriniń veb-portalynyń atqaratyn qyzmeti jekeshelendirý nysandaryn satý erejelerine sáıkes qaıta túzetilgen, elektrondy konkýrs pen tender ótkizý úderisi avtomattandyrylyp, holdıngter jumysyna laıyqtalǵan. Iаǵnı, tek memlekettik múlikter ǵana emes, holdıngter boıynsha da satylymdar osy alańda júrgiziletin bolady. Veb-portalda ınfografıka men múlikti qalaı satyp alýǵa bolatyny týraly beınenusqaýlyq ornalastyrylǵan. Satylatyn nysandar týraly barlyq málimetterdi jınaqtaǵan banner de bar. Banner arqyly satylymǵa shyqpaı turyp-aq, satylatyn nysandar týraly málimet bilýge bolady. Mundaı saýda alańy satýdyń 3 negizgi qaǵıdatyn júzege asyrýǵa kómektesedi. Satýdyń elektrondy formasy, saýdanyń ortaq formalary (elektrondy aýksıon, elektrondy tender, elektrondy konkýrs) jınaqtalǵan. Elektrondy aýksıon ótkizý úderisine, onyń nátıjesine áserin tıgizbes úshin adamdyq áser etý faktory múldem joıylǵan kórinedi. Bolashaqta Qarjy mınıstrligi mundaı túsindirý jumystary men semınarlardy jıi ótkize bermek. Venera TÚGELBAI, «Egemen Qazaqstan».