1838 jyly Isataı ólgennnen keıin jalǵyz qalǵan Mahambet taǵy da kúsh jınap, hannan kegin alý úshin Jaıyq boıyndaǵy Baıbaqty eline barady. Baıbaqtynyń Jumyr (shyn aty Sadyr) jáne Qylysh degen batyrlarymen kezdesip, joldas bolady. Mahambettiń «Jumyr, Qylysh» kúıi sol kezeńde shyqqan. Osylaı jasyryn júrgen Mahambet, janynda Jumyr men Qylysh bar, Baıbaqty eliniń bir aýylynda tórelermen otyrǵan Baımaǵanbet Aıshýaqovtyń ústinen shyǵady. Mine osy jerde Mahambet pen Baımaǵanbet sultan birinshi ret kezdesedi. Baımaǵambet Mahambetti ustaýǵa áreket jasaıdy. Al Mahambettiń janyndaǵy Jumyr, Qylysh batyrlar Mahambetti arashalap, ustatpaı toptan shyǵaryp aman áketedi. Osy oqıǵaǵa baılanysty Mahambet janyna ergen jigitterge razy olyp, «Jumyr, Qylysh» atty kúı shyǵarypty.
