Jolaqy tóleýden jaltarǵandar kóp

Sonymen osy brıfıngte tasymaldaýshylar almatylyqtardy jolaqyny tóleýdiń balama ádisterin qoldanýǵa shaqyrdy.

Búginde Almatyda qoǵamdyq kólikpen júrý aqysyn tóleýdiń birneshe túri bar. «ONAY» kólik kartasy, «ONAY» mobıldi qosymshasy, QR kodty skanerleý nemese mobıldi qosymshada qoǵamdyq kólikte kórsetilgen 7 tańbaly sandyq kodty engizý, SMS, Beeline abonentteri telefonnan *9909# nemese *202# komandasyn terý arqyly jolaqyny tóleýge bolady. Sondaı-aq kólik júrgizýshisine qolma-qol tólem jasaı alasyz. Mundaı jaǵdaıda jolaqy 150 teńge bolady. Odan keıin júrgizýshi jolaýshyǵa «ONAY»-dyń qaǵaz bıletin berýge tıis.

«Almatyelektrotrans» tasymal­daý­shysynyń málimeti boıynsha, qa­lalyq baǵyttarda jolaqyny tó­leýden jaltarý shamamen 20 paıyzdy qu­raıdy. 4 jyl buryn qalalyq ba­ǵyt­tar boıynsha tó­lemeý 30 paıyzǵa jýyq bolsa, qala mańyn­daǵy marshrýttarda bul kórsetkish 70 paıyzǵa jetken.

«Biraq osy kórsetkishtiń ózi az emes. Bul kompanııanyń, kó­birek avtobýs alýyna, qosalqy bólshekterdi satyp alýyna áser etedi. Sondaı-aq josparlaý ólshemderiniń biri – jolaýshylar aǵynyn dál anyqtaýǵa múmkindik bermeıdi. Ol barlyq úde­riske áser etedi. Iаǵnı tólemnen jal­tarý arqyly mundaı jolaýshylar birinshi kezekte ózderine ǵana emes, basqa da ózi sııaqty jolaýshylarǵa zııan keltiredi. Biraq barlyq jolaýshy jolaqyny tóleýden jaltarady deýge bolmaıdy. Tegin júrý degen bolmaıtynyn da jaqsy túsinetin jurt bar. Máselen, jedel jeli telefonyna tólem jasamaǵan jolaýshylardyń sýretteri jıi túsedi. Jolaqy tólemegen­der­di jolaý­shylardyń ózderi sógip, be­tine aıtyp jatatyn jaǵdaılar bar», deıdi Paıdalaný jó­nindegi dırek­tor­dyń orynbasary Abylaıhan Omarhan.

Qazirgi ýaqytta bıletsiz jol júrgeni úshin salynatyn aıyppul mólsheri – 2 AEK. Bıletsiz júretin jolaýshylardy kúndelikti baqylaý jáne tekserý jumystaryn 50 maman júrgizedi. Olardyń mindetine jolaýshylardyń tólem jasaý faktilerin tekserý, sondaı-aq qoldanystaǵy tólem túrlerin túsindirý kiredi.

Sonymen qatar bılet tekserýshi jolaýshy tarapynan tasymaldaý erejelerin buzý faktileri oryn alsa, mysaly, jolaýshy ıtin tumyldyryqsyz, qarǵy baýsyz alyp júrse nemese ózi mas bolsa, túsirip ketýge quqyly.

Jolaýshy tóleýden, tekserýshiniń talaptaryna baǵynýdan bas tartqan jaǵdaılarda, nusqaýlyqqa sáıkes ol polısııanyń ákimshilik aıyppul salýy úshin 102 nómirine qońyraý shalýǵa quqyly. Osylaısha, jyl basynan beri tasymaldaý barysyn tekserýshi 113 ret qońyraý shalyp, polıseıler mundaı jolaýshylarǵa tıisinshe 113 hattama toltyrǵan.

Tólemeý faktileriniń azaıý yrǵa­ǵyna qaramastan, qaladaǵy ahýal ózgere qoımaǵan. Tasymaldaýshylar jolaýshynyń jolaqyny ýaqytynda tóleý mindetin qatań túrde eskertýge májbúr bolyp otyr. Sebebi bul avtobýs parkin ustaýǵa tikeleı áser etedi.

ALMATY