Nurlan Ábdirov óziniń kirispe sózinde aǵymdaǵy saılaý naýqanynyń mańyzdylyǵyn atap ótip, saılaý zańnamasynyń jańalyqtaryna jáne birmandattyq aýmaqtyq saılaý okrýgteri men saıası partııalardan kandıdattardy usyný jáne tirkeý kezeńderiniń negizgi qorytyndylaryna egjeı-tegjeıli toqtalyp ótti.
Saılaý ótkizý boıynsha atqarylyp jatqan jumystar týraly oblystyq ákimdiktiń basshylyǵy, prokýratýranyń, polısııanyń, jumyspen qamtý jáne áleýmettik baǵdarlamalar basqarmasynyń ókilderi jáne aýmaqtyq saılaý komıssııasynyń tóraǵasy baıandady.
Nurlan Ábdirov komıssııa músheleriniń nazaryn daýys berý kúni saılaý ýchaskelerindegi minez-qulyq erejelerin mindetti túrde bilýge aýdardy jáne saılaý prosesiniń barlyq qatysýshylary, sonyń ishinde baıqaýshylar, kandıdattardyń senim bildirilgen adamdary jáne BAQ daýys berýge arnalǵan úı-jaıǵa kelgen sátten bastap osy erejelerdiń mazmunymen mindetti túrde tanysýǵa tıis ekenin atap ótti.
Keńes barysynda oblys ákiminiń apparat basshysy Shahmardan Baımanov óńirde 486 002 azamat saılaýshylar tizimine engizilgenin atap ótti. Ol sondaı-aq oblysta múgedektigi bar 20 324 saılaýshy bar ekenin habarlady.
«Olar úshin barlyq qajetti jaǵdaılar jasalǵan. Máselen, 373 saılaý ýchaskesiniń 368-i respýblıkalyq ınteraktıvti qoljetimdi kartasyna engizilgen», dedi ákim.
